琥酌 (已結業)

今日同屋企人四圍去搵嘢食，今晚佢哋想食日本野，就係太子警察局附近入咗去一間裝修都唔錯嘅日本餐廳 。呢間餐廳好似最出名係吉列牛，我哋就叫咗個安格斯牛吉列。出邊嘅外層炸到脆脆地然之後先會再用一個鐵板職即場自己燒熱。不過最估唔到令我驚喜嘅，唔係佢哋嘅吉列牛而係佢哋嘅琥酌丼。呢個飯入邊有啲牛肉粒，同埋蘑菇，犀利之處係未食之前已經聞到好香好香嘅蘑菇香氣，牛肉嘅大細只得啱啱好一啖有好多細細粒嘅牛肉粒充滿你個口，口感豐富。再加埋本身嘅蘑菇成個飯我比9分。另外一個推介嘅係佢哋嘅牛油帆立貝，$88有四粒，牛油嘅味道好香。