第一郡 (已搬遷) 新店位置

終於完了大學的FYP, 約了同學到深水埗吃越南菜！ 今日好攰， 睇緊一念無明嘅時候訓著左， 睇完就去食野。 岩岩去到嘅時候大約7點9, 等左大約15 分鐘就入得。 入面有啲窄， 不過都無關係啦！ 我地每人叫左碗蕃茄蟹膏檬粉。 超大碗！ 作為蕃茄嘅大fans, 見到半個大蕃茄真係超開心。 即刻食左個蕃茄！ 仲有兩塊大紮肉， 兩塊豬紅， 同埋啲蟹膏炒蛋。 好抵食呀， 45 蚊一大碗。 味道都唔錯， 個湯鹹左少少， 要飲住牛油果沙冰。 個牛油果沙冰好creamy, 好似飲緊啲cream咁， 一定好肥啦！ 不過啲姐姐好似想趕人走咁， 係咁過黎問收唔收得啲碟。 最後我地坐到好似就收舖先走 , haha