太平館餐廳

营业中

休息中

好耐之前已经想食佢哋个招牌梳乎厘，但太大个心谂起码4个人先食得晒，今晚心血来潮，迫老公过黎撑台脚，睇下见唔见到Sammi 同安仔先睇到餐牌价钱一啲都唔平，老公一边睇一边职业病发作，话毛利超高我地点左瑞士鸡翼、瑞士汁炒河、冻柠檬茶和梳乎厘。瑞士鸡翼唔够入味，只有外皮有甜味，很一般。瑞士汁炒河比瑞士鸡翼的汁还要差，可能唔系干炒的关系，啲河粉完全无味，好在佢有几条菜心加返啲分。梳乎厘外皮香脆好甜，内部湿塔塔的就不好食了，这个只适合打咭用，想试的一次就够。虽然食物质素一般，但值得一赞系侍应服务好好，好有礼貌，会好留意你用餐进度，提示几时落梳乎厘的单，上梳乎厘时唔会就咁放在旁边，会执个靓位放在中间给客人影相，唔怪得咁多上左年纪的人黎帮衬，有时食餐饭侍应的服务都可以留住人心，外面新式餐厅真系要学下。