影片
更多
2020-07-17
986 浏览
一嚟到，門口冇人，等咗一陣先有個女侍應行出嚟招呼，態度已經麻麻地，其實呢間真係法國餐廳嚟嘅，門口係唔可以長期冇人，之後都見到其他客嚟到又係棟晒喺門口，冇人招呼又唔知行唔行入去好我地係嚟食pastry set嘅，一個set係一件cake加一杯嘢飲，然後我地另再散叫四粒Macaroon，四粒都唔同味嘅上蛋糕嗰陣就經典喇，每一件蛋糕隔離竟然擺埋兩粒macaroon 上去，然後嗰兩set餐具就咁擺喺碟邊，餐紙都冇張，慘過食茶餐廳其實嗰四粒另外叫嘅macaroon有乜理由唔係用另外一隻碟上，同埋佢又冇問我地啲macaroon係邊個人食咩味，求其擺上去，出咗餐就算，好心做嘢唔好咁懶啦件opera 一上枱冇耐就出晒水，一食，果然係接近常溫嘅溫度，係佢地擺蛋糕個雪櫃唔夠凍呀，咁其實都幾大獲其實我地都覺得兩件蛋糕本身個味係好食嘅，但蛋糕唔夠凍，除咗影響味道，仲分分鐘食到人肚痛macaroon方面呢，我地叫咗rose，citrus,earl grey同chocolate trufflechocolate truffle係幾好食嘅，而earl grey係真係好難食，得個甜字，完全冇earl grey 味，其
我地係嚟食pastry set嘅，一個set係一件cake加一杯嘢飲，然後我地另再散叫四粒
Macaroon，四粒都唔同味嘅
上蛋糕嗰陣就經典喇，每一件蛋糕隔離竟然擺埋兩粒macaroon 上去，然後嗰兩set餐具就咁擺喺碟邊，餐紙都冇張，慘過食茶餐廳
其實嗰四粒另外叫嘅macaroon有乜理由唔係用另外一隻碟上，同埋佢又冇問我地啲macaroon係邊個人食咩味，求其擺上去，出咗餐就算，好心做嘢唔好咁懶啦
件opera 一上枱冇耐就出晒水，一食，果然係接近常溫嘅溫度，係佢地擺蛋糕個雪櫃唔夠凍呀，咁其實都幾大獲
其實我地都覺得兩件蛋糕本身個味係好食嘅，但蛋糕唔夠凍，除咗影響味道，仲分分鐘食到人肚痛
macaroon方面呢，我地叫咗rose，citrus,earl grey同chocolate truffle
chocolate truffle係幾好食嘅，而earl grey係真係好難食，得個甜字，完全冇earl grey 味，其餘嗰兩粒就ok正常啦，不過佢地啲macaroon 真係好細粒
其實間嘢裡面最大問題係啲侍應，我地叫人加水，一係就求其應咗你之後十年都未嚟，一係就應都唔應，都唔知你聽唔聽到
其中一次，一個冇戴眼鏡高高地嘅男侍廳拎住壺水嚟想加，但發覺我地個杯啲水滿晒，即係已經有人快過佢嚟加咗，咁我地就開聲叫佢成壺水擺低，就唔駛成日要叫你地加水
點知呢位侍應完全冇應我地，好大力咁將壺水一嘢揼落枱面，好似發脾氣咁
我地問返佢你聽唔到我地話擺低壺水咩？佢先開聲應我地，仲竟然話我冇咁多個茶壺！真係唔好玩啦，成間餐廳咁大，十幾廿張枱，得嗰幾枱客，然後同我講冇茶壺？同埋佢嘅態度真係好差好差
到最後埋單，張單仲要錯咗，pastry set 分兩種，一種係普通，一種係premium,視乎你飲品叫乜嘢，我地一杯係熱americano ，一杯係 ice cappuccino,一杯係，所以應該係一個普通pastry set，一個premium pastry set，但佢竟然收我地兩個premium set，好彩有望吓張單，唔係就俾佢收多咗錢，但其實呢個唔係客嘅責任，做侍應嘅唔好落錯單都係最基本嘅責任啫
呢間法國餐廳係敗在人禍，見啲侍應傾計多過乜，對客嘅態度真係完全唔得，入嚟食嘢係包埋service架，咁嘅價錢，但無論係侍應同食物嘅質素都真係唔值，唔會有下次
张贴
