陳儀興玫瑰餐廳

营业中

休息中

在網上得知這𥚃出了一個雙龍吐珠海鮮鍋，今晚約了家人，一行四人來吃飯。雙龍吐珠海鮮鍋$298連湯底，每日五款海鮮，今日係龍蝦、中蝦、鮑魚、蜆、蟶子。龍蝦有兩只，還有蝦膏在頭上，每人分到半只，蝦肉彈牙清甜，絕對係新鮮貨式。中蝦、鮑魚和蟶子，爽口又鮮甜。湯底用豬骨、雞熬製，仲有大量洋蔥、粟米、芹菜、南瓜加入其中，所以味道清甜，用來做火鍋湯底極其配合。另外有油炸鬼附上，原來吸收湯底，淋淋地又幾味。蟹子墨魚滑$88，蟹子的鹹味，令到墨魚滑吃落彈牙，似蝦丸的味道。本地牛$218，雪花分佈均勻，牛味十足，帶點嚼勁。蜂巢豆腐$38，這個豆腐簡直是百搭火鍋配料，無論雞煲、海鮮鍋，都可以吸盡湯底的鮮味。以$298包湯㡳的雙龍吐珠海鮮鍋，海鲜鮮味，真係絕對低打。