Infiniti C (已結業)

今日佛誕懷住愉快嘅心情去買件cake食，點知我地啱啱開門，就俾企喺水吧成身紋身嘅女同事呼呼喝喝，而且大聲到成間舖都聽到，話我地：量體溫先好入黎呀 量體溫呀 叫你量體溫呀 量體溫呀⋯我都好清楚要量體溫，問題係部體溫機去左邊呢， 俾人係咁鬧終於搵到啦，原來set左喺門後面，即係一推開個門行入去你就冇可能見到啦，大佬呀，你唔好咁痴線啦，好心咁尊貴嘅你地將部機放喺當眼位置，裝喺門後面點解唔裝喺個廁所或者天花板度呢，貴店咁聰明嘅裝法仲要換黎客人嘅受氣，而且態度極為惡劣，之後陸續有其他客入黎 ，繼續對住啲客人鬧，大家都一樣都係完全搵唔到部體溫機，如果你認為每個客人推開完個門之後，入到黎後眼係應該望到部體溫機嘅話，sor囉，但你地舖應該有責任話俾客人知部機嘅位置，或者企喺門口逐個量體溫，而唔係選擇去怒罵客人。由於覺得太屈辱所以先寫openrice ，原來客人黎到要受到你嘅責罵同受氣，希望你可以自我反省。講返件cake先，係好味嘅，只不過今日俾人搞到冇晒心情覺得太委屈。希望貴店注重品質之外還須注重服務。