88
33
12
港铁坚尼地城站 C 出口, 步行约2分钟 继续阅读
所有分店 (3)
电话号码
34604996
营业时间
今日营业
08:00 - 21:00
星期一至日
08:00 - 21:00
付款方式
Visa Master 现金 八达通 银联
其他资料
电话订座
食记 (153)
等级8 2021-03-14
3024 浏览
小弟本身咩都食,除咗太辣之外,基本绝大多数嘅嘢都入到口,亦无话有啲咩偏好。托赖,无咩食物敏感呀、糖尿呀、肠胃……等等毛病,所以,餐餐都可以开怀畅「食」。今日有事过到嚟坚离地城,顺便一会「Infiniti C」,纯粹试吓无麸质、纯素、生酮嘅食物而已。从门面,到室内,装修方面已好有欧洲风,尤其喺门口嘅长櫈及小街灯,期间都见到有啲非帮衬嘅客坐晌度打打卡。走进室内,其实餐厅唔喺好大,以白色为主调,衬以浅灰,显出一派典雅感。全场都喺矮身梳化椅,舒适好坐。如果一个人嚟,最好就喺窗口位啦,虽然对出喺街景咋,但因为唔会人多车多,而且,每枱都以乾花作点缀,感觉好唔错。成日讲麸质、生酮,究竟喺乜,唔好人讲你又讲,食完都唔知喺乜,餐牌中就有一页详情介绍咗,自己睇睇当长吓知识。虽然,预早就只打算食件蛋糕,饮杯咖啡,但都介绍吓整体嘅餐牌。先讲讲饮品方面,除咗固有嘅基本饮品外,仲有唔少限定嘅特色之作,不过,小弟属传统,衬甜品,都喺锺情鲜奶咖啡。食物嘅选项又点呢?同样有好多选择,先介绍主餐牌,有早餐碗、汤品、沙律、小食、特色多士、奄列、牛油果特色菜……等等,当然,就仲有甜品啦。除餐牌中嘅甜品,水吧旁嘅冻柜仲放有好多蛋糕,不过,唔好以柜内嘅蛋糕款式为准,反而,喺柜上面啲食物名牌先至真,代表有无边一款蛋糕。此外,仲有一个午市餐牌,共6款选择,但唔喺套餐嚟,饮品需另外加钱配。整体而言,基於纯素、生酮,所用嘅食材都会比一般嘅高,所以,食物嘅定价相对偏高。另一方面,无咩下午茶套餐之类,亦无咩配搭饮品优惠,样样都要散点,所以,计起价嚟就咁一杯咖啡、一件饼都要成嚿水多啲!除咗环境甚似欧陆小馆之外,连餐纸都好别致,比起简单一张白餐纸,呢张跟餐牌嘅蓝底配花花图案喺咪一脉相承呢!Caffe Latte $38佢哋嘅蛋糕定价都偏贵,反而,咖啡嘅定价相对相宜好多。衬甜品,小弟都喺锺情带奶成份重啲嘅鲜奶咖啡,基於喺生酮、纯素饮食,所以,咖啡都会用一啲杏仁奶、燕麦奶、无糖份嘅豆奶嚟取代牛奶。燕麦奶之前都试过好几次,用嚟做拉花效果一样唔差,睇我呢杯,个拉花拉得线纹细致,左右都算对称,面面亦无起泡泡;入口口感好均匀,完全唔使搅,唔使落糖,已饮得出嗰份醇香细腻。Blue Earl Grey Cake $72全店嘅蛋糕都喺无麸质,绝对唔怕会有敏感问题,而呢一款带忧郁蓝调嘅伯爵茶蛋糕算喺镇店之作,灰蓝色嘅「忌廉」之上,再洒咗少少食用花作点缀,卖相甚具少女风。面层嘅「忌廉」及中层嘅「慕丝」都喺以椰子奶制作,而海绵蛋糕则用上糙米粉去做,有别平常嘅面粉,老实讲,质感又真喺分别唔大。混入蝶豆花元素做成灰蓝嘅忌廉,虽然味道唔会有咩特别,但口感轻柔软滑;而下面嘅伯爵茶蛋糕好松软绵绵,中层嘅伯爵茶慕丝亦好幼滑细致,两者嘅茶味都好浓郁而突出。近年主打素食、健康嘅食店已经开到成行成市,而主打无麸质、生酮饮食都似乎仲喺起步阶段,始终唔同人有唔同需要,相信假以时日,都会有更多呢一类餐厅。 继续阅读
星期日晏昼得登过嚟Infiniti C朝圣食个tea,好幸运地即刻有位唔洗等😍 呢度既装修由门面到室内都好欧洲风,用蓝、白、灰色做主调,门口仲有张长櫈同小街灯,有feel💕 入到去,店内既地方唔喺好大,店员安排左窗口位俾我地坐,矮身梳化凳,望住街景好鬼Chill,但唔好既系好多人不断望住你😂.呢度主打纯素、生酮蛋糕! 蛋糕系要出去收银个冻柜自己简的,以柜上面既蛋糕tag为准!今次就叫咗两件cake同两款饮品!.📌伯爵茶蛋糕Blue Earl Grey Cake $72另外有得简”无面质伯爵茶蛋糕”,但店员话如果唔系减肥,食普通呢个就okay🤣 对!姐系唔减肥的😤😅 浅蓝色既蛋糕既卖相已经一百分,慕丝系用蝶豆花天然色素制成,食落劲丝滑轻盈,系我食过最滑嘅慕丝!上面洒咗少少食用花做点缀,海绵蛋糕好水润松软,唔会太乾,又唔会好散,食落好轻身!味道带淡淡Earl grey,整体伯爵茶味个人认为可以再加强少少!.📌Vegan Cake Black Sesame 纯素芝麻蛋糕$68呢一款系纯素蛋糕,无蛋同奶,食落口感会比较结实,成件食晒有啲饱🤣 但味道同普通蛋糕无分别。蛋糕层次分明,黑芝麻味劲香浓,忌廉香滑,个人认为芝麻比signature 伯爵茶蛋糕更好食👍🏾.📌Blue Earl Grey Latte $52有啲花瓣🌸浓郁既伯爵茶味盖过咖啡味,但如果食左啖伯爵茶蛋糕先,latte既味又会被盖过!.📌Nutty salted caramel latte $52杯边有啲焦糖酱同nuts碎,加强左口感,但可能nuts放左一段时间,有啲up味!咖啡面无起泡,饮到够滑够香,味道平衡! 整体黎讲,无抢走咖啡嘅香味👍🏾 比Blue Earl Grey Latte好饮! .Overall, 食物价钱属於中价,但因为佢地用料质素既问题,所以完全明白!出乎意料地好食,其一系,多数打卡嘅地方,好多都系唔好食!其二系,健康既嘢多数都唔好食🤣 所以今次食到又靓又好食又健康既小店,好有惊喜👍🏾 会回头!.. 继续阅读
(以上食记乃用户个人意见 , 并不代表OpenRice之观点。)
等级3 2021-07-06
0 浏览
2021年7月4日 晴今日朝早同朋友系附近食个早餐, 10:30 去到餐厅冇人, 谂左一阵11:00 佢地就转lunch menu。佢个lunch set 系包一杯black coffee or tea, 咁我同朋友都拣左茶。落单时店员同我地讲因为即叫即整所以会有d 耐, 大约20 min, 咁都正常, ok 啊...点知...荼都几香, 细细杯, 唔错。Grilled Kagoshima Pork Chop $168, 呢个等左大约11分钟就有, 都唔系好耐姐。但个猪超鞋又冇猪味, 同个蓝莓酱又好唔夹, 得汁又冇味, 连果肉又甜甜地好奇怪。最好食系个薯蓉, 好重奶味, 但除左釢味咩味都冇Grilled Thai Style Chicken $158, 呢个耐少少, 等左 20 min, 都好正常。但一黎都冇咩摆盘可言, 青木瓜沙律又系一d 味都冇, 个鸡以鸡脾肉黎讲佢又系煎到好鞋, 唯一好ge 系佢个皮都脆脆地, 但系佢燶左, 有阵炭烧燶味Pan-Seared Salmon $168, 呢个劲la, 等左我40 min, 但成间店得我地一枱都等咁耐我都唔知点解la..讲佢个味道呢, 个酱荷兰酱但加左唔知, 个味奇奇怪怪咁。个鱼都大件, 但冇咩味again , 不过好在佢都唔腥, 但个皮就唔脆ge。个三条芦笋粗到呢... 煮到好淋同佢有根ge.. 似平价芦笋黎。同佢d 装饰用左玫瑰花瓣一d 都唔靓...好low 总括黎讲我觉得呢个质素完全唔配呢个价钱, 佢唔系难食到放唔到入口但真系唔好食.... 继续阅读
(以上食记乃用户个人意见 , 并不代表OpenRice之观点。)
等级4 2021-06-09
212 浏览
-🦄INFINITI C @infiniti__c-VEGAN BOWL Hkd128Rating🌕🌕🌕🌕🌑-二访坚尼地城分店嘅 @infiniti__c 佢哋仲未转新餐牌 所以同我上次食嘅都一样不过都唔紧要 因为我仲有好多嘢都未试架一早Bookmarked咗食呢个Vegan Bowl 纯素啱哂我然後我又好想叫多个Bibimbap沙律又或者菇菇前菜不过店员听到我要叫两份嘅时候 可能都有啲吓亲😂因为两碟加埋可能好大份会食唔晒 其实我食到的🤫不过最後 我都系听店员讲 叫住一份先🤣试吓先我次次去餐厅食嘢都叫咁多…终於有一次吓亲人😆VeganBowl好丰富呀 淀粉质方面有软淋淋嘅南瓜南瓜唔系十分之甜 不过胜在口感好软绵绵🎃旁边有富丰富维他命A/C嘅彩椒 话说我都好耐无食噜仲有平时食沙律成日都会见嘅Kale Kale真系好好食不过我就略嫌佢有啲过咸同埋油 可能咁啱落多咗盐椰菜花都好好食 呢个口感啱啱好 唔会好硬咬唔开不过椰菜花都系 相对於其他蔬菜系比较油腻而我最锺意嘅就一定系炒菇菇啦 Juicy又好食😋食完呢个Bowl之後大约70%饱啦😆够架啦始终佢都系有淀粉质 可能再叫件蛋糕会完满啲整体来讲 食材配搭唔错 营养丰富又好食 赞👍🏻期待坚尼地城分店都会快啲转新餐牌 嚟食新嘢- 继续阅读
(以上食记乃用户个人意见 , 并不代表OpenRice之观点。)