漁正居酒屋 (已結業)

今次約咗朋友食飯，佢就鍾意食日本菜，但係就戒緊澱粉質，所以就揀咗一間佐敦嘅居酒屋，食多啲刺身同埋串燒，燒烤等等。有前菜，漬物，另外我哋就加咗個蒜頭漬，鹹香而且爽口，不錯不錯。活北寄貝+室津蠔係我最鍾意嘅一環，呢款刺身北寄貝相當鮮味，而且口味唔腥，爽！而室津蠔被日本人稱為海底的牛奶，味道甘甜，有淡淡的果香味。牛舌串/鴨心串/雞肝串/一口蕃薯串/鵪鶉蛋串/雞軟骨串真係各有各好食，牛舌方面就比較厚身，質感都好爽口。另外比較少食到嘅鴨心同埋雞肝都好特別，內臟味道濃郁。雞軟骨方面就相當金黃香脆，鹹香十足。蒲燒鰻魚豚肉生薑燒鰻魚都係配搭飯會比較好食，不過朋友唔食澱粉質所以唔叫，燒得好香，鹹香而且無骨。另外豚肉生薑燒都好驚喜，肉質保留應有水份，而且旁邊有好多唔同嘅配料例如洋蔥，椒等等，好食所以全部都食晒。清酒煮規比想像中大隻得多，而且粒粒都好鮮味，冇沙，極度推介！梨汁菠蘿特飲如果間冇酒精飲品，可以揀啲果汁或者特飲，菠蘿嗰款就入口第一口比較重菠蘿味，亦都有少少酸酸澀澀比較真實；梨汁就甜香十足。門面及外在環境：