漁正居酒屋 (已結業)

近排見到個個朋友都去日本，又未有假期向鄉下出發就繼續找尋一些高質既居酒屋開心一下店內以淺色木系裝潢為主，裝修充滿江戶風格，牆身貼滿日式宣傳海報，富有身處日本居酒屋的感覺環境寬敞舒適，另外設有多張卡位，適合與朋友、同事、一大排人聚會暢飲一番居酒屋主打正宗的日式料理，包括小食、串燒、刺身、壽司、火鍋、一品料理等，還有多款酒品供應飲下酒，食下串燒，傾下偈，可以輕輕鬆鬆過一晚食物方面 :室津蠔 : 生蠔做梗限時優惠 $18一隻，叫左半打試下，室津蠔肉質鮮嫩肥美，口感 creamy，加埋柚子醋、薑蓉及少少檸檬汁，更能帶出蠔既鮮味野菜天婦羅 : 有六件天婦羅、兩舊南瓜、茄子、香菇、蕃薯、粟米芯，炸粉好薄，炸到外脆內軟，天婦羅汁配搭白蘿蔔蓉帶微微鮮香，沾少少天婦羅汁食惹味又無咁熱氣蒲燒鰻魚 : 鰻魚即叫即燒，魚肉軟滑鮮嫩，切成四小件，再塗上鹹中帶甜既蒲燒汁，充滿日式風味燒西京銀鱈魚 : 銀鱈魚外皮燒得香脆，鱈魚肉軟滑鮮嫩，配搭上味道帶甜的西京汁，最喜愛的燒魚之一特選牛肉火鍋 : 特選牛肉油脂分佈均勻，肉質軟嫩，牛脂味重，用清甜的昆布湯底涮一涮夠曬原汁原味，另外有一大碟雜菜做配碟，吸收昆布湯後都好好味