麻市滋味館 (已結業)

平時黎佐敦食野都係揀莊士敦廣場果邊的餐廳，今日趁夜晚得閒就行咗過黎廟街呢邊搵下有咩隱世好味的餐廳。行到炮台街見到附近餐廳唔多，但有間好熱鬧的麻市滋味館，就入黎試下啦。餐牌選擇好多，係魚缸上面已經寫好晒每款新鮮海鮮的價錢，有個孖寶的組合價錢仲比較劃算，兩款加起都係$228起蒜蓉粉絲蒸貴妃蚌，五隻，肉質厚，咬落爽口，粉絲份量多，為咗保持鮮味，餐廳係蒸熟後再淋豉油係底，可以自己淋返豉油上去食清蒸沙巴龍躉，魚的肉好飽满，嫩滑，蒸熟的時間掌握得恰好，唔會鞋，加上有新鮮蔥絲的伴碟，增加唔少香味奄仔蟹蒸糯米飯，蟹係新鮮係魚缸捉上黎的，膏汁豐富，肉質鮮甜，蟹味香，加上糯米飯吸晒唔少汁，食完都幾飽下