香江花月 (百誠大廈)

营业中

休息中

同閨密去食火鍋首選去「香江花月」，距離佐敦地鐵站🚈只需2分鐘，交通為之極方便。之前開張時候來過，裝修仍然好新淨，位置寬敞，有空間感。打開餐牌，食物相片依舊都係非常精緻同靚靚, 每道菜同相片都一樣, 非常美觀, 必定打卡📸粉紅夢幻套餐粉紅牛乳玫瑰鍋 + 墨魚滑兩朵玫瑰花🌹一粉紅一奶白，份外吸引，湯底選用牛奶玫瑰乾花，清香仲係非常滋潤。火龍果墨魚滑，顏色鮮艷，爽滑彈牙。太極兩儀 太極擺盤，豬🐽牛🐮分隔，牛肉選用安格斯再浸紅酒，梅花豬肉片浸上黑松露牛乳，各具特色。天倫鍋心色彩繽紛，每個款都非常精緻，仲有兩款甜味水晶奶黃球同埋流沙包，一定有驚喜。花花綠綠🥦一大盤蔬菜，放得好靚，夠晒份量。七彩餃子🥟七種顏色的餃子七種不同的口味，有一款藍色的餃子份外搶眼，原來係牛肉香茜餃，濃有肉汁。一帆風順⚓️船的造型放滿用秋葵釀上魚滑，墨魚🦑滑，🦐滑，非常彈牙。飲品花月豪庭🍹我以為係甜品原來這個是飲品， 碟上佈滿坐果，仲有一個焦糖棉花糖蛋糕，下面個杯係酸甜藍莓配蘋果牛奶。琥珀誘惑🍸玫瑰花冰，再倒入新鮮混合果汁，清新怡人。