小男孩 (已搬遷) 新店位置

大家都知道美孚真係冇咩野食。其實唔多明點解，美孚人口又多，樓價亦咁硬淨，就係冇好既食肆，好難理解。今次來美孚食晏，可以話係無選擇情況下去Baby Blue。餐廳算大間，格調幾高尚。不過真係太隔涉，未去過的確是幾難搵，甚至好多人在美孚住幾十年都唔知有呢間餐廳。不過，又好多人會山長水遠來食喎，所以今次來食晏都要等位。等大概十分鐘後就有位，可惜位置唔太好，其實係因為隔鄰檯的那個女人講野又大聲，把聲又難聽，仲要不停講粗口，真係俾佢虐待死。都係要set lunch，我要春雞朋友要豬扒飯。先是沙律和餐包，沙律較細份，餐包幾好，幾鐘意佢既牛油。主菜個雞賣相普通，但食落有驚喜。夠淋而且個汁幾好味，不錯。之後有甜品，是小小的朱古力蛋糕。亦很不錯，好鬆化，只是味道略甜，不過為我這甜怪來說，一點也不是問題。但餐飲既檸茶就太細杯，唔多夠喉。