影片
更多
2010-07-05
20 浏览
此舖聽聞已久，只係訂座要一兩個月之遙，一直搵唔到機會，終於尋晚一家七口(六大一細)去晚餐，星期日晚七點去到都仲有幾多位，八點後先陸續坐滿。一眾侍應招呼十分周到，服務態度極好。坐低等餸嘅時候，略略睇過wine list，入面選紅白酒非常有心，每一支都各有特色，質素頗高，又有恆溫酒櫃安放之外，價錢只係等同街外零售加少少開瓶費！除非有特別原因，否則好應該開呢度嘅酒，而唔會自己拎支搖成粒鐘嘅失魂酒。以下係叫咗嘅：1. 子薑皮蛋 - 一流。子薑嫩、爽、甜/酸剛剛好。皮蛋糖心而無絲毫"羅"味，非常難得。2. 茶燻bb鴿 - 好到不得了，鴿肉嫩軟、入口又香又濃。3. 酥炸獅頭魚配意大利陳醋 - 酥炸而不油膩，魚肉仲好嫩滑，加陳醋一流。4. 山楂糖醋排骨 - 排骨有好新鮮肉味，而且好彈牙，用上極少粉先去炸，再撞上一個極薄、又香又甜嘅糖醋汁，結果亦係完美。連一向唔食有醋味嘅外父都讚不絕口！5. 3隻大蝦兩味:龍井蝦仁拼酥炸蝦頭 ($280) - 用上大虎蝦開邊，包括蝦頭。龍井蝦仁有一種講不出香味，而且彈牙又嫩滑。酥炸蝦頭香到不得了，真係成個蝦頭都可以食晒！6. 瑤柱鹹魚醬炒通菜 - 呢個係全晚最普通嘅一
坐低等餸嘅時候，略略睇過wine list，入面選紅白酒非常有心，每一支都各有特色，質素頗高，又有恆溫酒櫃安放之外，價錢只係等同街外零售加少少開瓶費！除非有特別原因，否則好應該開呢度嘅酒，而唔會自己拎支搖成粒鐘嘅失魂酒。
以下係叫咗嘅：
1. 子薑皮蛋 - 一流。子薑嫩、爽、甜/酸剛剛好。皮蛋糖心而無絲毫"羅"味，非常難得。
2. 茶燻bb鴿 - 好到不得了，鴿肉嫩軟、入口又香又濃。
3. 酥炸獅頭魚配意大利陳醋 - 酥炸而不油膩，魚肉仲好嫩滑，加陳醋一流。
4. 山楂糖醋排骨 - 排骨有好新鮮肉味，而且好彈牙，用上極少粉先去炸，再撞上一個極薄、又香又甜嘅糖醋汁，結果亦係完美。連一向唔食有醋味嘅外父都讚不絕口！
5. 3隻大蝦兩味:龍井蝦仁拼酥炸蝦頭 ($280) - 用上大虎蝦開邊，包括蝦頭。龍井蝦仁有一種講不出香味，而且彈牙又嫩滑。酥炸蝦頭香到不得了，真係成個蝦頭都可以食晒！
6. 瑤柱鹹魚醬炒通菜 - 呢個係全晚最普通嘅一味，只係通菜天生同蝦醬比較夾，真係無辦法。
7. 豉油皇牛柳邊炒陳村粉 - 已經好多年無食到唔落鬆肉粉嘅炒牛肉！肉質依然嫩滑但不失咬口，非常難得！陳村粉亦都沾滿豉油，非常好味。之不過…
8. 中型雞油花雕蒸大花蟹配陳村粉 ($780) - 正到痴線！用上成半枝大枝裝靚花雕，一d苦澀味都無，雞油又香而不膩，1斤6両嘅花蟹好肉到連腳趾都滿晒，d陳村粉係上枱前至放入，吸味得黎唔會過火…無言！
9. 蛋白杏仁茶 - 做得好靚，蛋白好滑，但係欠甜
10. 薑汁雪糕 - 好似薑汁撞汁少甜，ok
11. 杞子雪糕 - 無食到，聽講怪怪地…
其實聽聞天哥重出江湖，一心做好中菜，已經對佢好大期望。
今次食過，何止滿足，直情超乎想像！就好似碟蒸蟹咁，街市一隻咁靚嘅花蟹都要差不多$200，個半支花雕又起碼$200，但係碟餸只係賣$780…完全惘顧"材料係收費1/3"嘅餐飲黃金定律！
好睇得出，佢除咗真係好有心要做好中菜之外，佢真係傻架！
為佢呢份心意，一定會回頭！
张贴