影片
更多
2022-09-26
288 浏览
前菜：日本蘋果沙律 $98日式蟹籽沙律嘅貴族版本，用左甜美清爽嘅日本蘋果切絲，配搭蟹柳絲同埋蟹籽，十分開胃。刺身：秋刀魚刺身 $168、南非蠔 $58/隻秋風起，秋刀魚就最肥。砌成松葉形嘅秋刀魚刺身充份表達師傅嘅心思。一啖咬落去食到兩種層次：魚肉部分嘅爽嫩同埋脂肪部分嘅油香，第一次食感覺好奇妙！😆南非蠔size巨型，蠔味偏淡麗，加上葱花及酸汁啫喱就帶出更多味道。卷物：吞拿魚牛油果手卷 $58、鮮帶子海膽手卷 $98兩款手卷甚為足料，吞拿魚較為淡口，但配埋濃味嘅牛油果就有天作之合嘅感覺；鮮帶子本身已十分鮮甜，海膽就令佢錦上添花。揚物：什錦天婦羅 $98一碟已經包含左三隻大蝦同埋四款蔬菜嘅天婦羅（茄子、青椒、南瓜、番薯），岩晒心多嘅你同我，記得趁熱食先係最滋味。煮物：味噌煮牛舌 $68牛舌一般都係串燒為主，以家常菜嘅鍋物形式較少見，厚切嘅牛舌塊煮得入味，伴菜嘅蘿蔔夠晒清甜，食到唔停口。燒物：免治雞肉串 $38、鹽燒牛小排串 $58、華味鳥雞皮串 $35、雞尾尖串 $35特別有印象嘅係免治雞肉串，由店家自家製，混入左雞軟骨碎，口感好特別。而雞皮串燒得香脆，雞尾尖串就係雞屁股果一小塊肥肥嫩嫩嘅
前菜：日本蘋果沙律 $98
日式蟹籽沙律嘅貴族版本，用左甜美清爽嘅日本蘋果切絲，配搭蟹柳絲同埋蟹籽，十分開胃。
刺身：秋刀魚刺身 $168、南非蠔 $58/隻
秋風起，秋刀魚就最肥。砌成松葉形嘅秋刀魚刺身充份表達師傅嘅心思。一啖咬落去食到兩種層次：魚肉部分嘅爽嫩同埋脂肪部分嘅油香，第一次食感覺好奇妙！😆
南非蠔size巨型，蠔味偏淡麗，加上葱花及酸汁啫喱就帶出更多味道。
卷物：吞拿魚牛油果手卷 $58、鮮帶子海膽手卷 $98
兩款手卷甚為足料，吞拿魚較為淡口，但配埋濃味嘅牛油果就有天作之合嘅感覺；鮮帶子本身已十分鮮甜，海膽就令佢錦上添花。
揚物：什錦天婦羅 $98
一碟已經包含左三隻大蝦同埋四款蔬菜嘅天婦羅（茄子、青椒、南瓜、番薯），岩晒心多嘅你同我，記得趁熱食先係最滋味。
煮物：味噌煮牛舌 $68
牛舌一般都係串燒為主，以家常菜嘅鍋物形式較少見，厚切嘅牛舌塊煮得入味，伴菜嘅蘿蔔夠晒清甜，食到唔停口。
燒物：免治雞肉串 $38、鹽燒牛小排串 $58、華味鳥雞皮串 $35、雞尾尖串 $35
特別有印象嘅係免治雞肉串，由店家自家製，混入左雞軟骨碎，口感好特別。而雞皮串燒得香脆，雞尾尖串就係雞屁股果一小塊肥肥嫩嫩嘅部分，小吃多滋味！😆
张贴
