CHEF STAGE de Eddy Chu (已結業)

今日天陰陰唔係好想出街, 但媽媽話佢朋友介紹左間西餐幾好食, 想去食個lunch, 媽媽嗌到就點都要去啦餐廳叫CHEF STAGE de Eddy Chu, 顧名思義大廚就係Eddy Chu, 因為廚房就係門口隔離, 一出lift就係大玻璃, 到見到佢好忙咁煮緊野食 餐廳唔算好大, 不過環境一流, 因為係高層有少少風景睇, 待應都好有禮貌, 餐牌上set lunch選擇有8款, 因為我同媽媽都係牛魔王, 所以試哂餐牌上兩款牛類, 嗌埋另外加錢既海鮮拼盤, 咁就等食喇～ 首先係鰻魚沙律唔係好鍾意食饅魚, 不過第一次凍食, 又ok喎 海鮮拼盤, 有生蠔、海蝦、馬刀貝、帶子 同 鮑魚以呢個價錢真係好抵食, 樣樣都非常新鮮, 馬刀貝份量好多 周打蜆海鮮湯好濃, 食得出有海鮮碎, 加埋蒜蓉包食, 味道唔錯一流 牛仔骨拼鮑魚個汁調味調得好好, 牛仔骨咬落多汁, 係好味既, 另外比較特別係佢用左蕃薯蓉黎做配菜而唔係薯蓉, 岩哂我 美國肉眼扒不錯！少筋唔韌多肉汁, 我嗌左5成熟, 冇overcook 豆腐竹炭芝士蛋糕好味, 口感清新又唔太甜, 岩哂唔太嗜甜既人 而且餐廳仲有駐場歌手, 有位uncle