影片
更多
2021-02-02
278 浏览
平日放假去咗K11 Musea行街食午餐 揀咗呢一間人氣打卡Cafe 感覺休閒輕鬆好多 星期六日呢度排長龍要等位 如果想避開人群 平日去係一個好好嘅選擇！餐廳周圍都有村上隆嘅畫作，見到呢個標誌性嘅花花圖案，個人都開心啲😆仲有好多擺設、有啲藝術商品可以買，所以好似一路望住啲藝術品一路食嘢咁😝揀咗兩個Set lunch，包沙律、主菜同飲品，而呢個商場嘅價位來講，呢間都算幾抵食👍🏻🔸經典凱撒沙律🥗風乾火腿田園沙律🥗沙律正常水平，特別欣賞佢個田園沙律加咗粒粒嘅石榴，酸酸甜甜零舍開胃。🔸羅勒青醬蘆筍扁意粉$108意粉軟硬度適中，好香蒜味，蘆筍係幼身既，加咗一粒粒嘅松子，食落去有口感。🔸香煎慢煮三文魚扒$128慢煮三文魚扒肉質好鮮嫩鬆軟，食落好Juicy，而魚皮煎到好香脆，點埋旁邊嘅忌廉汁，好食😋個人比較鍾意呢一份三文魚扒🐟🔸藝術打印咖啡/朱古力(凍飲)😍+$38💯餐廳嘅招牌飲品😎加錢餐飲可以轉做藝術打印咖啡，嚟到呢間打卡餐廳冇理由唔轉啦😂我覺得呢杯先係餐廳嘅主角😚我哋可以揀牆上面嘅畫作做飲品嘅圖案，揀咗一杯有多啦A夢 cross over既，好得意啊😆😚藝術打印飲品可以揀咖啡或者朱古力做基底，圖
揀咗兩個Set lunch，包沙律、主菜同飲品，而呢個商場嘅價位來講，呢間都算幾抵食👍🏻
🔸經典凱撒沙律🥗風乾火腿田園沙律🥗
沙律正常水平，特別欣賞佢個田園沙律加咗粒粒嘅石榴，酸酸甜甜零舍開胃。
🔸羅勒青醬蘆筍扁意粉$108
意粉軟硬度適中，好香蒜味，蘆筍係幼身既，加咗一粒粒嘅松子，食落去有口感。
🔸香煎慢煮三文魚扒$128
慢煮三文魚扒肉質好鮮嫩鬆軟，食落好Juicy，而魚皮煎到好香脆，點埋旁邊嘅忌廉汁，好食😋個人比較鍾意呢一份三文魚扒🐟
🔸藝術打印咖啡/朱古力(凍飲)😍+$38💯
餐廳嘅招牌飲品😎加錢餐飲可以轉做藝術打印咖啡，嚟到呢間打卡餐廳冇理由唔轉啦😂我覺得呢杯先係餐廳嘅主角😚我哋可以揀牆上面嘅畫作做飲品嘅圖案，揀咗一杯有多啦A夢 cross over既，好得意啊😆😚藝術打印飲品可以揀咖啡或者朱古力做基底，圖案印喺一層厚厚的cream上面，咖啡同朱古力飲落都比想像中嘅好，唔係得個樣，朱古力唔算好甜，唔錯👍🏻
🔸自家製意式提拉米蘇$68
食甜品又係另一個胃，叫多一份share啦！好多cream，手指餅食落有咖啡酒味，質感軟綿，都唔錯😋
好彩我哋早嚟，大約11:45入座，唔使等位，走嗰陣都要排隊！建議大家嚟之前book定位😎
张贴
