火土燒肉

Bookmark 左呢開燒肉係個list 到一段時間，今晚終於有機會去食啦。餐廳以camping裝修風格，連坐的櫈同用的杯，甚至乎紙巾袋都好似係到camping梗一樣。呢個仲有兩隻醬可以俾你調味，分別係柚子醬同埋燒汁。燒肉拼盤 $398（除咗牛舌外每樣都係有四塊）牛肋肉：肉質鮮嫩有嚼勁，入口juicy牛舌：佢係鹽蔥薄牛舌，鹽蔥味好香，令到個牛舌再昇華牛胸腹：一啲筋都冇，油花豐富，肉味夠濃。伊比利亞豬肋條：呢個係今晚最有驚喜的肉，燒到表面有啲焦脆，入口係爆汁，而且肉汁超香。北海道豚腩片：肥瘦比例剛剛好，燒到少少燶再配埋個柚子汁食真係好夾。夢見鳥雞腿肉：肉質彈牙，食得出係用上新鮮食材。雪花牛小排 $138油花好靚，燒到五成熟，超淋，剛剛好，肉汁係口腔入面爆發，呢個真係唔錯。另外叫左個白飯 $18飯粒粒分明都好夠米香。柚子梅素冷麵 $58佢個醬汁酸酸甜甜，加上夠凍，夏天太熱，食呢個冷麵就好啱。海鹽菠蘿梳打 $38佢的杯邊都沾上咗海鹽，入口咸咸甜甜，加上菠蘿的酸，好清新的口感，又幾夠解渴。可樂 $18呢間燒肉性價比都幾高，個氛圍又真係好似身處於露營地方咁。