拉麵台風 (已搬遷) 新店位置

番學都中午，有兩個鍾放飯時間，突然好想食拉麵，搵到呢間拉麵台風，見近近哋只需要坐幾個地鐵站就到，結果就黎左。鋪面睇落有啲污糟，右邊重放左把梯喺到，唔知做咩不過都係想食野姐，所以其實冇咩所謂我簡左$78魚介豬骨湯拉麵,諗住試下啲最正常既拉麵先，好食既下次再試其他麵。對於大食既我黎講，佢哋1.5倍量既拉麵冇放係心上，結果都係加多個麵底($10)。平日午市有野飲或半份小食送，我簡左要多半份叉燒拉麵黎啦！睇到都覺得滿足，超級大碗！！試啖湯先，湯底濃郁，又唔會太鹹。麵條選擇係粗身既，而唔係其他鋪頭選用既幼身麵條，加上我簡左麵質硬，所以超有口感食到後半發現啲叉燒同拉麵食極都重有，份量真係超多，除非你真係超肚餓，如果唔係絕對唔洗加底。超級飽，超級滿足。賣單先知儲滿3張收收據會送糖心蛋一隻。總結而言，味度屬中，但份量超多，超低食。麵拉雖然算唔想超好味，但喺香港同價同份量黎講算唔錯啦。下次再試其他麵類。