一鼎‧台式火鍋 (將軍澳中心)

营业中

休息中

📍一鼎喺將軍澳開咗一個月終於去食啦，去到都好多人等緊入去。有5款任食牛肉套餐同分咗90分鐘同120分鐘，呢度係一人一鍋可以揀自己最鍾意嘅湯都得。揀咗澳洲200日穀飼牛呢款吃到飽餐，呢款牛肉嘅油花比較多同嫩，不過我更加鍾意澳洲純和牛嗰款，會比較瘦同肉味重。配料嘅海鮮都多可以揀生蠔、墨魚仔、蜆蝦個類，小食就幾surprise。有煉奶油炸鬼、黑糖炸紫米磚、蝦球同炸菇菌比較少見嘅嘢食揀。呢度仲做埋茶飲店，估唔到放題都會包幾款飲品任飲，連芝士奶蓋、手打檸茶同黑糖珍珠都可以任飲，推介佢嘅綠妍，叫咗走甜茶味好出。