影片
更多
2025-07-03
564 浏览
早幾日同朋友去咗沙田帝都酒店栢麗廳食自助餐，感覺幾好，環境夠大，座位唔會太迫，成晚坐得幾舒服。可以先食沙律芝士🧀凍海鮮方面，龍蝦、長腳蟹、青口、生蠔、蜆全部都唔錯，龍蝦啲肉彈牙，長腳蟹肉多，生蠔新鮮，冇腥味，食左一打🤤基本上回左本😳魚生都幾厚切，甜蝦好鮮甜。熱葷選擇都算多，香烤豬頸肉燒得幾香，唔會太肥膩。清酒煮蜆有酒香，蜆肉嫩滑。麻辣鴨血唔算太辣，入口滑溜。雜菜煲同紅燒獅子球都係穩陣家常菜。燒春雞伴香草汁，雞肉唔會太乾。俄國牛柳絲味道特別，有啲似中西fusion。紅油抄手同口水雞都幾惹味，不過辣味唔算重，接受程度高。鴨肝多士都唔錯，加左黑醋，唔會太膩，油香十足。有啲熱盤都幾有驚喜，鐵板薄燒和牛同佐賀和牛都幾嫩，唔會太鞋口，啲牛味都幾突出。鐵板漢堡細細個，有肉汁。杞子燉雞湯味道清甜，飲咗三碗都唔覺膩，必飲！飲品有紅酒、白酒、果汁，咖啡任飲。甜品方面，Movenpick雪糕有幾款味揀，仲有朱古力心太軟，可以畫碟打下卡。蛋糕都有好幾款，太飽試唔到咁多🫣
可以先食沙律芝士🧀
凍海鮮方面，龍蝦、長腳蟹、青口、生蠔、蜆全部都唔錯，龍蝦啲肉彈牙，長腳蟹肉多，生蠔新鮮，冇腥味，食左一打🤤基本上回左本😳魚生都幾厚切，甜蝦好鮮甜。
熱葷選擇都算多，香烤豬頸肉燒得幾香，唔會太肥膩。清酒煮蜆有酒香，蜆肉嫩滑。麻辣鴨血唔算太辣，入口滑溜。雜菜煲同紅燒獅子球都係穩陣家常菜。燒春雞伴香草汁，雞肉唔會太乾。俄國牛柳絲味道特別，有啲似中西fusion。紅油抄手同口水雞都幾惹味，不過辣味唔算重，接受程度高。
鴨肝多士都唔錯，加左黑醋，唔會太膩，油香十足。
有啲熱盤都幾有驚喜，鐵板薄燒和牛同佐賀和牛都幾嫩，唔會太鞋口，啲牛味都幾突出。鐵板漢堡細細個，有肉汁。
杞子燉雞湯味道清甜，飲咗三碗都唔覺膩，必飲！
飲品有紅酒、白酒、果汁，咖啡任飲。
甜品方面，Movenpick雪糕有幾款味揀，仲有朱古力心太軟，可以畫碟打下卡。蛋糕都有好幾款，太飽試唔到咁多🫣
张贴
