喜多嬉牡蠣屋 (已搬遷) 新店位置

身為鐘意食蠔嘅生蠔控當然唔可以錯過中環呢間任食生蠔啦，由日本岡山縣直送到餐廳，一定夠新鮮啦。而且放題唔單止有生蠔食，仲有串燒、烤蠔、烤帆立貝。放題有分為60分鐘同90分鐘，我哋今次就試咗90分鐘(HKD498)，因為多好多嘢食而價錢又唔爭好遠😍每款食物都好吸晴。餐廳位置唔多，真係好彩有book位。.先來一個多嬉九品，超豐富🫰🏻有象拔蚌刺身、燒活白鰻、月見燒鳥串、喜多嬉牡蠣茶漬飯、牡蠣刺身、沙律、天婦羅秋葵、天婦羅紫蘇葉吞拿魚蓉。樣樣都有外表又有內涵，牡蠣茶漬飯非常鮮甜濃郁，每粒飯都充滿蠔香而燒鰻魚皮脆肉彈牙，有驚喜。.主打牡蠣刺身，鮮味十足，肉質比較滑身再加埋特製嘅土佐酢啫喱、辣蘿蔔蓉同蔥花就更開胃，即時食多幾隻！Encore 左幾次，每次都有水準。.而烤牡蠣係非常飽滿，一咬就爆汁🤤餐廳有提供醬汁，蒜蓉醬、孜然醬、XO醬，加左之後就更惹味。而烤帆立貝亦都大大粒，非常彈牙。.食完牡蠣就開始串燒，雖然係放題但都有幾多選擇。又有雞串，皮脆肉香👍🏻最愛燒秋葵！最後食埋碗湯烏冬，飲埋啖熱湯，完美結束。