牛太 (已結業)

我就要做契媽媽啦 要好好慶祝一下～ 大肚婆今晚想食燒肉 梗係冇得托手掙啦。元朗出來 去荃灣最方便快捷 預先openrice左一輪 發現荃新天地有間‘牛太’ 100分鐘任食 地點方便又好像幾抵 一於同大肚婆去試下先～6:00到 即刻有位 走既時候已經大排長龍 好彩食第一輪。環境幾舒服 卡位居多 枱與枱之間又唔會太迫。我們揀左$288任食餐 選擇非常多 最特別是用電子落車 夠曬方便 上菜又快唔漏單 未食都覺得加分。特選燒肉 好正。牛肉我至愛 無論牛肋肉 脊肉 牛舌 肉質都好正 而且牛味好濃～ 每款肉都可以揀燒汁。鹽燒。辛味噌。我自己偏好鹽燒 因為最原汁原味。牛舌就揀蔥燒 好香。我主攻牛肉 豬&雞只是食了一件豬頸肉、豬梅肉、雞腿，都唔錯架 不過當然食牛肉最回本。海鮮類 推介帆立貝&蝦。當然是急凍貨 但是都可以架 至少海蝦彈牙 帆立貝配上牛油 又唔會好重雪味 yummy 蔬菜類～ 基本既都有齊！Encore幾次蒜蓉牛油金菇 用錫紙兜裝住 唔會燒乾曬 又夠味。冷盤～ 薯仔沙律、豆腐麻醬沙律都正。仲有好多其他種類 可惜肚子已飽。泡菜 芽菜 菠菜呢d伴碟裡唔少得 醃得幾入味 烤肉必備。汽水烏龍茶任飲