影片
更多
2011-03-22
27 浏览
從未如此浪漫過 ﹗自問試過無數餐廳，Hugo's 完全令我讚嘆，無位可以比我扣分 ~ 法國菜餐廳，寧靜既環境，燈光柔和，寛倘舒服既大梳化，溫暖豪華既裝潢，好有私人空間 ~ 服務周到，由進入餐廰，order、用餐、結賬到離開都非常殷勤，連去洗手間都會帶您到門口，讚 ﹗場內有外藉 uncle 攞住支木結他獻唱英文歌，聲線動人悅耳 ~ 食物高水準，色香味美 ~ Open kitchen 非常特別，加埋堂煮表演，正到不得了 ~menu，有介紹 Hugo's 既歷史同由來，好有趣。一坐低既 order 支有氣礦泉水解解渴先。Waiter 好認真及熱情地介紹紅白酒，為配合我地今晚食既送菜，最後選定依支白酒 New Zealand Ata Rangi white wine。真係一分錢一分貨，果味香、味道清帶甜，酒味純不會搶，完全無苦澀味，好好味，多謝 HKD900 幾啦。餐前包，有兩款，其中一款係牛油蒜蓉焗法包，味道口感香脆，滿意。另外一款嚥嚥靭靭，麵包味濃，好味。要決定點菜喇，想試多啲野，所以每人 order 左個 6 course set，即係可以試到 12 樣野喇 ~ 但係 facebook
menu，有介紹 Hugo's 既歷史同由來，好有趣。一坐低既 order 支有氣礦泉水解解渴先。Waiter 好認真及熱情地介紹紅白酒，為配合我地今晚食既送菜，最後選定依支白酒 New Zealand Ata Rangi white wine。真係一分錢一分貨，果味香、味道清帶甜，酒味純不會搶，完全無苦澀味，好好味，多謝 HKD900 幾啦。餐前包，有兩款，其中一款係牛油蒜蓉焗法包，味道口感香脆，滿意。另外一款嚥嚥靭靭，麵包味濃，好味。要決定點菜喇，想試多啲野，所以每人 order 左個 6 course set，即係可以試到 12 樣野喇 ~ 但係 facebook 只係能夠 update 12 張相，所以未能盡錄。
什果蝦沙律，賣相非常吸引，將蜜桃、牛油果切片，跟鮮蝦排得整整齊齊，鮮蝦味鮮、口感彈牙，配上即磨糊椒碎更加醒胃。
堂前凱撒沙律，廚師推住架餐車到面前，先問問對凱撒沙律有咩特別要求，例如配菜同醬汁，咁我只係可以答 normal 得喇，因為都唔係太清楚。新鮮蔬菜清甜水潤又爽口，加上煙肉碎及酸酸甜甜既 dressing，美味又開胃。滿枱既餐具，6 道菜有 6 套餐具，仲有餐前包同甜品，好采免強仲認到點用啫。
香草焗法國田螺，熱辣辣，有別於一般餐廳凍冰冰。香氣撲鼻，田螺口感軟棉棉彈牙，牛油香草又美味。可能會覺略為有點單調，如果可以加個香滑既薯蓉底就更錦上添花喇。
鮮蠔三食，生蠔配 sauce，個汁主要為黑醋汁，酸酸甜甜，生蠔呎碼雖小，但係非常肥美，清甜又 creamy。芝士焗蠔，靚芝士外面香脆，裡面軟軟棉棉，將蠔汁鎖住，鮮甜無比。煙肉焗蠔，熱辣辣香濃惹味，煙肉濃郁既肉味跟生蠔海鮮味混和，嚥嚥靭靭加埋嫰滑軟棉，多重口咁，好正。有大量海鹽墊底，唔知係咪一齊焗架呢，定係攞黎調味呢？應該裝飾似啲。
堂煮干邑龍蝦湯，女廚師推住架車餐黎到我地張枱前面便示意開始者個龍蝦湯。燒紅個煲落龍蝦肉炒香，再落干邑即刻搶晒火，燒到坎坎聲，勁 high，再落龍蝦湯略煮，再調味加 cream，上枱喇。味甜又鮮唔會過咸，淡淡酒香味，質感幼滑，都好滿意。龍蝦湯一直都係我至愛。
香煎三文魚扒，感覺有點普通，煎得皮脆肉嫰。用上新鮮蔬菜及鮮魚籽，可帶來點點清新既味道。個人都係較喜歡三文魚做刺生。
白汁銀鱈魚，簡單既磨菇白汁、簡單糊椒同鹽既調味，反樸歸真得黎好美味，清清地，魚肉嫰滑多汁，不錯。
煎焗黑鱈魚，都係第一次食黑鱈魚。皮煎得香脆，真係脆卜卜架，有濃郁海魚味道，肉汁好豐富，口感算滑，滿意。個汁有蝦米架，好得意，咸咸地，好好味。
澳洲穀飼牛柳配黑椒汁，只不辣既黑椒汁，微甜。牛柳肉質非常軟棉，完全唔洗用力去切，用刀一拖已可完全分開。Order 時，waitress 並無特意問想幾成熟，都係由廚師決定最好既烹調。依個係 medium rare，裡面嫰紅色，嫰滑非常，但絕唔會比您搵到半點血水，依個就係技巧喇。牛柳味濃、口感軟棉嫰滑、汁清淡不搶，中上級，正。配上蛋黃芥未醬，令味道更加提升。
安格斯牛柳配燒大蝦，大蝦有好香燒烤味，非常喜歡，肉質鮮爽彈牙，啖啖肉。安格斯跟澳殼飼一樣軟棉棉、味道濃郁、肉質鮮嫰多汁，滿足滿足。不需加添任何醬汁以好好味，我愛加蛋黃芥未，甜甜辣辣跟牛柳既味度真係好夾。配菜有焗薯及紅蘿蔔，用火爐暖住分開上，保持溫度，好細心啊。
朱古力梳乎里 Souffle，好香濃既朱古力，如果厭未夠甜，可以再加朱古力漿，或白朱古力醬，雖然本人唔好甜品，但都覺好好味。
堂煮班戟雪糕配香橙汁，如果淨食塊班戟會有啲寡，但係配埋冰凍既雪糕就完全唔同晒，又熱又凍，好難形容，冰火感覺特別，不俗。
寒冰脆皮雪糕球，上面放甜品，下面放乾冰，一放低就成枱冒煙。外層係朱古力脆皮，裡面係冰凍雪糕，雖然此甜點夠普通，但賣相同造形就一流喇，係好吸引。見到乾冰既演譯，又令我諗起明閣既翅晶瑩。
食埋甜品後，全晚服務、美酒佳餚、駐場歌手、高檔既裝修，多謝 HKD2888。
张贴
