御千丼 (已結業)

出到九龍區食丼飯通常都唔平～而大埔呢間小店都相對價廉物美，搞到我成日都返去食，就快食到變飯堂🤣我每次必點就係呢個火炙四式丼（$98）佢入面有玉子燒、三文魚、帶子同埋蟹柳～ 火炙過嘅魚甜配上蔥同埋醬汁根本就冇得輸👍🏻 佢呢度嘅帶子同三文魚都超級新鮮，份量又唔少，所以食完真係好滿足☺️如果同朋友一齊食夠$200，我哋通常都會加$98要份海膽☺️ 份量真係非常多，配埋飯一齊食真係一流！誠意大家多多支持佢，佢嘅小食例如雞皮餃子都好邪惡好出色！