鮨 中本 (已結業)

鮨 中本 - 中環區高質素壽司料理。午餐有兩個價位，當日揀左「花」omakase ($800)。首先係白子，白子加上雞蛋黃，新鮮、肥美又滑溜。接住係刺身，鰤魚味濃、貝類味鮮。八爪魚煮彈牙又入味，顛覆左我一直以來對八爪魚的印象。壽司時間開始：左口魚沙甸魚魷魚：漿口的口感令人難忘！兩款吞拿魚壽司，赤身及中拖羅。三文魚子及海膽，小巧而精緻。燒穴子壽司，入口即溶。吞拿魚小卷，即使小卷物都好優質。玉子：好似甜品咁，綿密鬆軟。最後來個柚子雪芭，為呢餐lunch作一個完美句號。