影片
更多
2024-06-04
13 浏览
今日去咗灣仔搵好嘢食 朋友介紹咗一間非常唔起眼但質素唔錯嘅Omakase 所以同老公去咗試我哋各自叫咗一個椿套餐 $888/位 唔知係咪新開張 所以而家仲有85折套餐包咗前菜 茶碗蒸 4款刺身 6款壽司 串燒或者壽喜燒 吸物同埋刨冰食呢啲廚師發板最享受就係可以見到師傅為你烹調壽司嘅過程 選用當日最新鮮嘅刺身 再加埋唔同食材嘅配搭 令到一件壽司能夠色香味具全 當日享用嘅刺身同壽司全部都非常鮮甜美味 醋飯粒粒分明 最深刻係海膽同埋鳥貝 海膽個種鮮甜而家打住呢個食評都回味 而且我本身鍾意食貝類 所以鳥貝嗰種爽彈鮮甜中哂我味蕾另外配咗和牛壽喜燒 面頭有好幾塊和牛非常嫩滑 入口即溶 壽喜燒裏面有埋蔬菜豆腐冬粉等等 加埋甜甜地好夠味嘅壽喜燒湯底 可以當埋湯飲暖暖胃 之後仲有個魚味好濃沃嘅吸物 唔似其他餐廳可能安排麵豉湯 呢個魚湯就十分有誠意當食到好飽諗住甜品都未必食得落嘅時候 個餐會跟埋刨冰 師傅即場用原磚冰塊喺你面前刨 而刨冰喺出乎意料地嘅軟綿 而且配既果汁味亦唔會係化學味 而係真係似飲緊鮮榨果汁嗰種味道 所以可以話係好完滿 由頭到尾都賞心悅目嘅一餐
我哋各自叫咗一個椿套餐 $888/位 唔知係咪新開張 所以而家仲有85折
套餐包咗前菜 茶碗蒸 4款刺身 6款壽司 串燒或者壽喜燒 吸物同埋刨冰
食呢啲廚師發板最享受就係可以見到師傅為你烹調壽司嘅過程 選用當日最新鮮嘅刺身 再加埋唔同食材嘅配搭 令到一件壽司能夠色香味具全 當日享用嘅刺身同壽司全部都非常鮮甜美味 醋飯粒粒分明 最深刻係海膽同埋鳥貝 海膽個種鮮甜而家打住呢個食評都回味 而且我本身鍾意食貝類 所以鳥貝嗰種爽彈鮮甜中哂我味蕾
另外配咗和牛壽喜燒 面頭有好幾塊和牛非常嫩滑 入口即溶 壽喜燒裏面有埋蔬菜豆腐冬粉等等 加埋甜甜地好夠味嘅壽喜燒湯底 可以當埋湯飲暖暖胃
之後仲有個魚味好濃沃嘅吸物 唔似其他餐廳可能安排麵豉湯 呢個魚湯就十分有誠意
當食到好飽諗住甜品都未必食得落嘅時候 個餐會跟埋刨冰 師傅即場用原磚冰塊喺你面前刨 而刨冰喺出乎意料地嘅軟綿 而且配既果汁味亦唔會係化學味 而係真係似飲緊鮮榨果汁嗰種味道 所以可以話係好完滿 由頭到尾都賞心悅目嘅一餐
张贴
