影片
更多
2018-05-02
193 浏览
好友們見我最近迷上左食四川菜，前排就神神秘地話要帶我去食好野。一見佢地帶我去酒店，原本以為只係食自助餐啦，點知原來佢地係book左枱食四川菜。細問之下先知，原來呢到的中菜廳已經連續七度蟬聯米之蓮一星美譽，間中仲有好多名人名星會黎幫襯。而呢到食物用到的香料及調味料多係由四川直送到港， 務求令菜色呈獻出麻、辣、香、鮮頂級味蕾享受。聽到我都心裡覺得有冇咁巴閉呀！？心裡半信半疑咁又帶有小小期待。希望加上師傅的巧手同經驗，能令我地一試難忘啦。 杏汁燉白肺湯 白肺湯用左新鮮豬肺、雞腳、豬肉、白菜及杏汁等材料熬製多小時而成。豬肺清洗得十分乾淨, 冇怪味道。而整碗湯的湯色雪白, 味道香滑濃郁，啖啖的杏仁香味，滋補而不膩，非常之好飲~ 口水雞 少有地, 雞同醬汁係分開上檯，客人可因應個人的口味蘸醬, 由此可見餐廳非常細心。 啲雞係用左新鮮的龍崗雞，所以肉質嫩滑，雞味幾濃郁, 就連雞皮都爽口冇肥膩感。 醬汁係混合左紅油、麻油、花椒、甜豉油、黑醋、滷水料等等十幾種材料制成，入口辣辣地又帶有花生同芝麻的香味，仲有酸醋味，令人胃口大開, 十分惹味。 紅油雲吞 雲吞有乒乓球咁大粒，餡多皮薄。而餡內的肉
杏汁燉白肺湯
白肺湯用左新鮮豬肺、雞腳、豬肉、白菜及杏汁等材料熬製多小時而成。豬肺清洗得十分乾淨, 冇怪味道。而整碗湯的湯色雪白, 味道香滑濃郁，啖啖的杏仁香味，滋補而不膩，非常之好飲~口水雞
少有地, 雞同醬汁係分開上檯，客人可因應個人的口味蘸醬, 由此可見餐廳非常細心。啲雞係用左新鮮的龍崗雞，所以肉質嫩滑，雞味幾濃郁, 就連雞皮都爽口冇肥膩感。
醬汁係混合左紅油、麻油、花椒、甜豉油、黑醋、滷水料等等十幾種材料制成，入口辣辣地又帶有花生同芝麻的香味，仲有酸醋味，令人胃口大開, 十分惹味。
紅油雲吞
雲吞有乒乓球咁大粒，餡多皮薄。而餡內的肉同菜的比例剛剛好，咬落肉汁豐富口感鬆軟，冇"實滴滴"的感覺。配上紅油辣汁，味道香而不刺激，辣度剛剛好。瓦罉胡椒蝦
將熱辣辣的瓦罉蓋揭開時，即時胡椒香味四溢。撥開厚厚的胡椒粒尋找一隻隻令人回味的主角胡椒蝦。餐廳用左新鮮海中蝦，炒香再炸，所以殼脆肉質彈牙爽口，鮮甜中帶有淡淡的胡椒香味，香而不辣。黑松露野菌安格斯牛柳粒
除左有新鮮的野菌，紅椒粒，牛柳粒，露筍外，竟然仲有黑松露片。全部蔬菜配菜都好新鮮爽脆，牛柳粒口感嫩滑易咀嚼 ，肉汁豐富。再加入左黑松露醬爆炒，令整碟餸香味更香濃，味道提升更惹味。酸菜桂魚片
桂花魚魚片肉色雪白, 口感嫩滑鮮味。湯底濃郁味道够哂酸，仲有淡淡的辣味。大量的酸菜配上其他的配菜如青瓜及大豆芽等，增加了爽脆的口感，減少油膩的感覺。
张贴
