影片
更多
2011-04-21
28 浏览
今日同朋友行過銅鑼灣皇室堡, 口淡淡, 好想食甜野, 咁岩見到有間法式甜品店叫Paul Lafayet, 從玻璃廚櫃中見到好多colorful既西餅甜品,件件都好精緻, 賣相似走高級路線, 見店入面有座位設堂食, 決定膽粗粗試下!其實件件個樣都好靚, 花多眼亂, 真係唔知點揀! 經店員既介紹, 得知Crème Brulee (Egg Vanilla custard pudding) 係人氣之選, 二話不說, 一於order. 另外, 亦試左Mille-Feuilles (Puff Pastry & Vanilla cream); 傳統法式甜點當然唔少得圓碌碌既macaron, 外型小巧, 色彩奪目, 十分討人喜愛. 佢地有多款味道, 我同朋友揀左Macaron Au Jasmin (White Chocolate Jasmine macaron).先講Crème Brulee呢個焦糖雲呢嗱燉蛋布丁, 原來係你一order, 店員先會即場係布丁表面灑上蔗糖, 再用火槍燒至焦黃. 一食落去,又暖又香脆既焦糖再配合嫩滑燉蛋,同一時間體驗兩種質感, 好味又有趣! 布丁入面仲見到好多一粒粒既黑色
其實件件個樣都好靚, 花多眼亂, 真係唔知點揀! 經店員既介紹, 得知Crème Brulee (Egg Vanilla custard pudding) 係人氣之選, 二話不說, 一於order. 另外, 亦試左Mille-Feuilles (Puff Pastry & Vanilla cream); 傳統法式甜點當然唔少得圓碌碌既macaron, 外型小巧, 色彩奪目, 十分討人喜愛. 佢地有多款味道, 我同朋友揀左Macaron Au Jasmin (White Chocolate Jasmine macaron).
先講Crème Brulee呢個焦糖雲呢嗱燉蛋布丁, 原來係你一order, 店員先會即場係布丁表面灑上蔗糖, 再用火槍燒至焦黃. 一食落去,又暖又香脆既焦糖再配合嫩滑燉蛋,同一時間體驗兩種質感, 好味又有趣! 布丁入面仲見到好多一粒粒既黑色雲呢嗱籽, 唔怪之得咁香喇,果然足料! (順帶一提, 食完仲可帶走印有店名呢個小瓦碗番屋企做紀念架!)
至於Mille-Feuilles,呢個係由酥皮同雲呢嗱味忌廉造成, 多層香脆酥皮夾雜幼滑既雲呢嗱忌廉, 甜而不漏, 讚!
最後就係試Macaron Au Jasmin. 呢個白朱古力茱莉macaron外脆內軟,幾鬆化, 感覺好新鮮, 中間既餡濕潤適中, 唔會乾爭爭. 我以前係第二度食過macaron, 質地比較硬同實, 偏甜. 今日試呢個感覺好唔同, 味道亦好清新, 唔覺得”漏”, Good!另外, 店員亦介紹我地試下法國人氣品牌Kusmi Tea,有多款味道選擇. 我揀左The vert gingermbre-citron, 有淡淡既香檸同薑味; 我朋友就試左 The du Matin N24, 佢都話幾香. 店員見我地差不多飲完又幫我地添水, 服務幾好.
總括黎講, 今日係Paul Lafayet嘆茶食甜品既體驗好滿意舒服, 食物質素亦見水準. 下次會再黎試埋其他款色既甜品.张贴
