鬼金棒

营业中

休息中

之前成日都見到排晒隊嘅東京人氣麵店，今日難得行過又係non peak hour，見唔洗排隊，就梗係要入去朝聖先🤩🤩🤩一入到去，裡面既佈置都係惡鬼裝飾，加埋日本既太鼓音樂，一入到去都覺得好神秘，加上鋪頭主打麻辣拉麵，感覺好刺激，好似會食到地獄辣味咁。點餐係用手機掃QR code 點的，分開拉麵，小食，飲品3個area。其實拉麵重點都係一樣，只係邊樣材料多左而有唔同價錢。最後點左:增量叉燒X2辣麻味噌拉麵 $135 及大肉飯 $55，拉麵選項方面可以選擇麻及辣的程度，以及在額外增加其他配料，由於見到有肉飯可以選擇，所以就沒有再點替肉。由於唔知麻辣可以去到幾辣，所以開始就由小辣，小麻試先，發現下次可以是高一級，中式嘅麻辣湯底食得多，日式嘅麻辣配搭味噌湯底，濃厚得黎又唔會失卻左日式拉麵既感覺。另外叉燒亦都係令一個令人回味嘅配菜，油脂分明既叉燒肉，雖然係厚切，但豬肉入口即溶，真係要增量叉燒X2先夠喉呢!如果平時食一碗拉麵唔夠飽嘅朋友仔，可以好似我哋咁試多個肉飯，日式珍珠米配搭濃郁嘅肉湯汁，亦都係另一種滋味。