石鍋堂

营业中

休息中

上個星期同屋企人去旺角食嘢，突然想起想食石鍋烏冬就諗起女人街有！即刻去搵吓先！行過發現呢間新開嘅石鍋堂主打石鍋烏冬。另有蛋包飯石頭飯可供選擇，簡單直接。餐牌選擇唔少，石鍋烏冬有唔同湯底可供選擇。其中黑松露香菇湯同醬燒豬手比較特別。估唔到個豬手都幾大隻，好闊綽下！食落去啖啖肉，脂肪唔算多。調味唔錯唔會過鹹。黑松露香菇湯烏冬一上枱見到一大堆黑松露醬喺湯上面，湯味道非常濃郁，與黑松露醬非常夾。烏冬食落彈牙爽口，份量唔少。另外，雖然食咗成半個鐘，但到最尾一刻成碗湯烏冬仍然都係熱辣辣，冬天食一流！