影片
更多
2023-09-14
20 浏览
一個月一次omakase，今次同朋友去左位中環九如坊既杣‧YASHIMA。餐廳門口低調，我同朋友都行過龍miss左佢😂入邊環境清優舒服，有13個bar枱。Dinner得1個$2680 Omakase Set。🍅水果蕃茄上面放左好多矜貴食材。好多松葉蟹、creamy既北海道海膽、柔軟既鮑魚 同埋魚子醬。再配上酸汁啫喱 ，整體好清新，係完美既開胃菜。✨胡麻豆腐豆腐帶胡麻味，但食落竟然係甜甜地。加埋三文魚籽既咸香同紫蘇花既特別香氣，味道層次豐富。🐟九繪 九繪係一種高級褐石斑魚，係日本被稱為“夢幻高級魚”。我都係第一次食。配上芽蔥、酸汁啫喱、紫蘇花同辣椒蘿蔔蓉。魚肉豐滿緊緻，彈牙爽口，味道清而鮮。🦞伊勢龍蝦配北海道海膽伊勢龍蝦鮮甜且富有彈性，北海道海膽味道鮮美濃厚甘甜。🍝鮑魚意粉配三文魚籽第一次食Omakase有意粉食，真係好新奇有趣😂意粉味道creamy口感al dente ，三文魚籽夠咸香，鮑魚柔嫩細滑爽口彈牙。🦞龍蝦松葉蟹蔥卷使用龍蝦dashi，即係出汁。可以話係日本料理中既靈魂，能帶出食物既鮮味。除左龍蝦松葉蟹蔥卷，仲有南瓜同青椒。食落極似薄粉漿既天婦羅浸左係濃郁既高湯到，但仍然脆口。
餐廳門口低調，我同朋友都行過龍miss左佢😂
入邊環境清優舒服，有13個bar枱。Dinner得1個$2680 Omakase Set。
🍅水果蕃茄
上面放左好多矜貴食材。好多松葉蟹、creamy既北海道海膽、柔軟既鮑魚 同埋魚子醬。再配上酸汁啫喱 ，整體好清新，係完美既開胃菜。
✨胡麻豆腐
豆腐帶胡麻味，但食落竟然係甜甜地。加埋三文魚籽既咸香同紫蘇花既特別香氣，味道層次豐富。
🐟九繪
九繪係一種高級褐石斑魚，係日本被稱為“夢幻高級魚”。我都係第一次食。配上芽蔥、酸汁啫喱、紫蘇花同辣椒蘿蔔蓉。魚肉豐滿緊緻，彈牙爽口，味道清而鮮。
🦞伊勢龍蝦配北海道海膽
伊勢龍蝦鮮甜且富有彈性，北海道海膽味道鮮美濃厚甘甜。
🍝鮑魚意粉配三文魚籽
第一次食Omakase有意粉食，真係好新奇有趣😂意粉味道creamy口感al dente ，三文魚籽夠咸香，鮑魚柔嫩細滑爽口彈牙。
🦞龍蝦松葉蟹蔥卷使用龍蝦dashi，即係出汁。可以話係日本料理中既靈魂，能帶出食物既鮮味。
除左龍蝦松葉蟹蔥卷，仲有南瓜同青椒。食落極似薄粉漿既天婦羅浸左係濃郁既高湯到，但仍然脆口。
🐟🦐昆布汁煮赤鯥魚、虎蝦、茄子、冬瓜
赤鯥係高級白身魚，脂肪豐富，帶有甜味。虎蝦去殻去腸，肉厚彈牙。
🍣白魷魚，口感軟得黎帶少少嚼勁，有濃厚既甜味。
🍣白象拔蚌，味道鮮甜，充滿海水既味道。
🍣地金目鯛，黎自伊豆，係金目鯛中最頂級既。脂肪最豐厚，味道濃厚，微微火炙左更能聞到魚油香味。
🍣北寄貝，口感爽滑，配上青檸皮同青檸汁更能提鮮。
🍣喜之次，被稱為”海中紅寶石”既喜之次係日本深海魚魚王 ，魚脂特別肥厚。膠原蛋白豐富，口感細緻鮮美。
🍣牡丹蝦，鮮甜爽口，蝦膏豐腴甘香。
🍣中拖羅 ，顏色粉嫩，脂肪比例係赤身同大拖羅之間，魚油脂恰到好處，入口即溶，非常甘香。
🍣牡丹蝦蓉+北海道赤海膽
牡丹蝦甜美，赤海膽味道濃郁，鮮味回味中帶有絲清苦，包住紫菜一齊食更加點脆口。
🥚江户前玉子燒
師傅成條拎出黎切果陣驟眼睇以為佢切緊燒肉😂玉子好鬆軟，甜得黎又有蛋香。
✨湯
味道濃郁得黎帶甜味
🍈靜崗蜜瓜、蘋果大福、Panna Cotta
蜜瓜清甜，蘋果大福甜得黎入邊有粒粒蘋果，Panna cotta滑捊捊而且帶乳酪香。
张贴
