影片
更多
2021-04-02
1062 浏览
LAB EAT Restaurant & Bar 喺尖沙咀開左都好耐, 既然今日有緣經過, 今日晚餐就同朋友入嚟鋸個靚扒吧。餐廳樓底高, 裝修簡緻, 皮梳化坐得舒服, 喺度飲下酒, 食下嘢, 同朋友傾下計, 是個不錯的選擇。難怪佢哋個drink menu咁多選擇, 原來餐廳特設一個酒吧部落, 一排排的酒很壯觀, 調酒師就喺度創作特飲。餐牌有齊前菜、湯、主菜及甜品, 分門別類, 任君選擇, 另有一個獨立drink menu。餐包 (送的)麵包皮是脆脆的, 麵包發酵得好靚, 口感鬆軟富彈性, 散發出陣陣的麥香。LAB EAT係一間食店, 亦係一酒bar, 點都要試下佢哋嘅酒精類飲品, 服務員推介, 玩味甚濃的cocktail ; Pink Perfume。調酒師用汽槍打了一個大波波係cocktail 度杯, 我哋覺得幾有新鮮感, 問調酒師是什麼東西? 原來係用分子料理方法, 氣泡有煙燻飲品既功能。Pink Perfume ($128)等波波爆破後, 攪勻便可飲用, cocktail易入口, 甜甜地, 番石榴味道較突出, 有少量嘅酒精, 味道都幾得意, 睇返餐牌原來裏面有Vodka, Gua
餐廳樓底高, 裝修簡緻, 皮梳化坐得舒服, 喺度飲下酒, 食下嘢, 同朋友傾下計, 是個不錯的選擇。
難怪佢哋個drink menu咁多選擇, 原來餐廳特設一個酒吧部落, 一排排的酒很壯觀, 調酒師就喺度創作特飲。
餐牌有齊前菜、湯、主菜及甜品, 分門別類, 任君選擇, 另有一個獨立drink menu。
餐包 (送的)
麵包皮是脆脆的, 麵包發酵得好靚, 口感鬆軟富彈性, 散發出陣陣的麥香。
LAB EAT係一間食店, 亦係一酒bar, 點都要試下佢哋嘅酒精類飲品, 服務員推介, 玩味甚濃的cocktail ; Pink Perfume。
調酒師用汽槍打了一個大波波係cocktail 度杯, 我哋覺得幾有新鮮感, 問調酒師是什麼東西? 原來係用分子料理方法, 氣泡有煙燻飲品既功能。
Pink Perfume ($128)
等波波爆破後, 攪勻便可飲用, cocktail易入口, 甜甜地, 番石榴味道較突出, 有少量嘅酒精, 味道都幾得意, 睇返餐牌原來裏面有Vodka, Guava juice, Lime juice, Spite, Pearl powder, 咁有創意, 值得一試, 打卡呃like 都抵返。
睇住波波左搖右擺, 好療癒
48個月西班牙黑毛豬火腿 ($338）
西班牙黑毛豬火腿配哈密瓜及火箭菜, 好耐冇食咁靚嘅西班牙火腿了, 難得朋友都呢家嘢, 今晚便放肆一下。
12個月跟48個月嘅黑毛豬火腿, 肉眼已經可以看得出質素嘅高低, 經歷過48個月的漫長風乾過程, 火腿肉色變得深紅色, 非常油亮有光澤, 黑毛豬的油份出曬嚟
食落甘香醇厚, 鹹味很輕, 肥瘦比例 2:8, 油香得嚟完全唔死膩, 瘦肉部份也很滑口細緻, 好味呀 >>>>>>>>>>>
黑毛豬火腿配蜜瓜係傳統食法, 哈蜜瓜清甜爽口, 中和了火腿的鹹味, 個人比較享受原汁原味嘅黑毛豬火腿油香, 爽甜多汁嘅哈密瓜就咁食都正, 火箭菜就可以拌少少附送的陳醋燒汁食。
美國紅毛和牛西冷 ($598/400g)
Grill 得肉香四溢, 色澤金黃, 睇見都流口水, 除非係大隻男, 否則咁大件嘅牛扒一個女士好難攪得掂, 兩位女士開心share 剛剛好。
Striploin 是牛背最長肌, 位於前腰脊肉, 肉質的纖維較粗, 油花不多, 入口卻肉嫩中帶點肥美, 肉汁超豐富, 嚼起來滿口牛肉香
薯角炸得乾身, 皮脆肉棉。
五成熟剛剛好, 肉色嫩紅, 肉汁豐富, 側邊燒得焦香的肥肉好香, 只係拈少許海鹽伴食已非常美味了, 今晚補充咗好多鐵質, 食完呢件扒, 滿足指數爆晒燈。
Lemon Gelato ($138)
Lemon Gelato 伴上粉紅色的士多啤乾粒, 襯托得Gelato靚靚的上台, 好多人都分唔清 ice cream 同Gelato 有乜分別? 其實只係叫法唔同, 都係我哋食開嘅雪糕, Gelato系意式雪糕而己。
檸檬雪糕上曬上檸檬糖, 入口檸檬味強勁, 是新鮮檸檬的清和香, 應該不是化學合成品。
雪糕冰涼兼香軟滑溜, 爽神之甜品也, 是夏天最佳飯後甜品, 蘋果糕口感Q彈, 內裡有粒粒爽口蘋果, 不甜膩。
一流的服務, 靜靜地傾吓計, 享受美食, 極度滿足的happy dinner。
张贴
