癡膠雞 (荔枝角道)

营业中

休息中

到達店鋪時已見人龍，等左三個字左右就成功入店，餐廳主打雞濃湯米線，亦有配搭各種各樣配料既米線供選擇。沙薑雞濃湯米線麵底揀左上海麵，雞濃麵有點點葱粒。沙薑雞另上，沙薑咸香味十足，雞肉肉質鮮嫩香滑，食落令人幾開胃。上海麵另上，顯示出店舖非常細心，否則好快變淋。上海麵好有水準，軟身得嚟有啲咬口，又好易掛汁。招牌痴花膠雞濃湯米線有火爐不停為花膠雞濃湯加熱，一路進食其間，雞濃湯仍然保持熱度。濃湯內有多塊花膠，非常爽口彈牙。加$10轉左雞髀肉，雞髀肉切得大大塊，肉質鮮嫩滑口。五香牛展涼盤牛展牛味濃厚好味，底下有一片片白蘿蔔片，清新爽口。熱檸檬茶 / 凍檸檬茶