麺屋こころ (軒尼詩道)

营业中

休息中

香港日式拉麵店開到成行成市，有時都會食到悶，聽到係日式撈麵店即刻感覺唔到晒。裝修唔似”拉麵風”，簡潔的感覺。餐牌上面有多款撈面，主角是正宗全料東京撈麵，個人覺得必試，亦有其他口味撈麵和小食，真係唔要撈麵，都仲有傳統湯拉麵揀。撈麵除咗可以揀 M/L，仲有多種食法 。首先可將配料撈埋一齊食。食咗1/3時可以加入黑胡椒，最後食剩1/3時可以加入秘製香醋，最後仲可以撈白飯(免費提供)一齊食。正宗全料東京撈麵 $109全料配置非常豐富，將叉燒、生蛋黃、辣肉碎、溏心蛋、紫菜、蔥花、韭菜、竹筍、紫菜碎等食材拌勻再一齊食，感覺有別於一般傳統湯拉麵的食法，配合稍粗身的小麥麵，微辣味道，惹味食好，亦唔覺得膩。柚子鹽味撈麵 $89這款撈麵有雞肉、生蛋黃、蔥花、紫菜碎、水菜等食材，麵入口感覺較正宗全料東京撈麵更有咬口，帶輕輕柚子味，清新開胃。鳥軟骨餃子 $39單骨香脆雞翼 $36其他小食都有驚喜，鳥軟骨餃子金黃軟脆，單骨香脆雞翼皮脆又滋味。