Boholic

营业中

休息中

終於都有機會去Bookmark🔖已久嘅Boholic 試吓。Boholic嘅波希米亞風格🌾令成間餐廳都充打卡位📸 各位到訪嘅時候，相機記住要充足電呀！餐廳固然可以滿足影靚相嘅需要，食物方面亦照顧得個肚仔好周到😋菜式以新鮮食材入饌烹製，Fusion口味，新奇創新又美味可口。🔸泰式冬陰功鮮蝦意大利粉（$85）上枱嘅時候已經聞到陣陣冬陰功嘅香味，醬汁微辣惹味，蝦仁爽口彈牙，好多鮮甜嘅車厘茄，分量充足。🔸韓式五花肉泡菜芝士漢堡配薯條（$105）五花肉煎得香濃，一啲都唔油膩，配上爽口生菜，清甜蕃茄及紫洋蔥，口感層次豐富。🔹黑芝麻Latte (跟餐+$20）拉花好精緻，黑芝麻味道香濃🖤，入口細滑，滿滿甜蜜感覺。🔹士多啤梨青蘋果梳打 (跟餐+$20）新鮮士多啤梨肉🍓打成茸，混合青蘋果味🍏梳打，成為一杯香甜解渴嘅粉紅泡泡飲品💖餐廳真係好了解女孩子嘅需要☺️洗手間入邊都有可愛嘅擺設，地方空間闊落乾淨，仲有一面全身鏡添 ！梳洗完畢，又可以出去繼續影相📸餐廳有兩層，上面仲有一幽靜角落，可以容納八位客人，閨蜜們gathering 開party都非常適合。