陳儀興飯店 (嘉悅)

营业中

休息中

#潮洲eatcovery #將軍澳eatcovery💡人氣打冷潮式店要係香港搵潮州打冷可能會好易搵到，但要好食，就真係唔係好多，呢間「陳儀興飯店」較為精緻乾淨，店鋪地方夠大，坐得舒服，質素好高，所以今次都忍唔住叫外賣黎試下。🍽姬松茸無花果雪耳瘦肉燉雞湯燉雞湯超級足料，真材實料，有一半都係湯渣，所以好清甜滋潤，可以提高免疫力、健脾及降三高。🍽鹵水鵝件打冷當然要點滷水先得啦，滷水鵝相信都會必點，份量都幾多，滷水鵝肉夠厚，唔會剩係得骨，仲好嫩滑，唔會鞋，每啖都充滿鵝油香味，而滷水汁微甜，岩曬黎送飯🍽蠔餅外層炸得金黃香脆，蠔餅嘅粉只係薄薄一層，入面超多蠔仔，粒粒飽滿，非常鮮味👍🏻食落仲有陣陣蛋香。🍽元朗黃油烏頭王平時食魚都係熱食，今次就第一次試凍食，估唔到雪凍後嘅魚更鮮甜結實，烏頭肥嘟嘟，好厚肉，但肉質仍然嫩滑，魚肉入口甘香肥美有魚味，無腥味無泥味，而且唔算多骨。食個陣點少少普寧豆醬 咸咸地，更突顯魚味。