Rempah Noodles

营业中

休息中

這間舖新開時已經幫襯過，當時已經覺得幾好味，之後見佢愈來愈多人食，都無去一段時間，今日心血來潮想食咖央，之前幫襯時無試到，今次試吓，今日比較少人排，可能時間尚早，等了三個字度就到我，叫了個娘惹濃厚叻沙同埋咖央多士，先上叻沙，椰味比較重，唔辣，麵的份量比較少，但可以免費加麵，之前我食時一落order就會加，但因為今日叫了咖央多士，所以無加到麵，咖央多士賣相吸引，要打卡必叫，多士脆口，咖央個質感好特別，似忌廉，顏色有啲似wasabi，食落又有D似綠茶忌廉😂，好特別，雖然價錢比較貴，碗麵要$98，咖央要$38，但真的不錯，職員又有禮貌親切，唔怪之得生意愈做愈好，咁多人排隊食.