琥酌 (已結業)

之前朋友介紹太子有間專食吉列牛幾好食，所以朋友生日就過黎同佢慶祝，餐廳人流不多，餐廳內部有居酒屋既感覺，燈光也適宜，幾適合傾計。前菜： 牛肉同蘿蔔都炆得十分入味，口感軟腍，蘿蔔清甜。烤多春魚 ：即叫即整， 熱辣辣，惹味香口， 幼骨都可以吃進肚子，送酒一流。名古屋雞翼：外皮煎得很香脆，味道酸甜都幾特別，外脆內嫩又 juicy,都好入味吉列牛：黎到琥酌，吉列牛係必食既，吉列牛炸皮厚度岩岩好，唔錯，幾脆！牛肉味幾香濃，店員細心講大概每邊肉十幾秒即可食用。仲有幾隻醬比你擇（燒汁 海鹽 芥末）個人最推介芥末同海鹽。食完炸野食較為清淡既湯飯作結！