泰禾美 (已搬遷) 新店位置

上openrice搵泰菜，見呢間無劣評，就黎試一試兼同朋友慶祝生日。兩個女生食咗5樣餸加一個薄餅同蒜蓉飽仲有椰青同咸檸七，$377，算抵食兼味道唔錯。生蝦，較白色，可能「拿」過，味道一般唔夠爽實，不過個辣汁都ok。肉碎生菜包，有少少辣，勁怕芫茜嘅朋友就唔食到，但我覺得接受到，味道可以。黃咖喱聖子，咖喱汁唔辣但好好味，聖子好多肉，加埋薄餅點咖喱汁一流！見仲有好多咖喱汁，再叫一蒜蓉包，可能蒜蓉較濃味，同薄餅相比，薄餅㚒個汁多啲😁小食併盤，最正係串燒，我地叫咗牛同豬，個沙爹醬好好味，個款小食兩件，啱晒兩個人食。因為串燒好味，朋友再叫埋其他款式的串燒一碟，都係牛，豬，墨丸同個沙爹醬最㚒。想試燒魚，但太飽，下次再試。