影片
更多
2022-08-07
80 浏览
觀塘除咗塞車 仲有咩？係壹.01呀😂😂 呢句野亦都寫咗喺餐廳嘅牆上面 我見到都不禁笑咗一下🫢講返間餐廳 餐廳喺中海日升中心 喺觀塘返工嘅朋友一定唔陌生㗎啦😗 呢間餐廳外賣或者兩點半後堂食 都會有九折優惠 真係更加抵呀壹.01 芒果魯肉飯芒果配魯肉嘅配搭真係比較少見 芒果粒酸酸甜甜幾開胃 配搭起魯肉上嚟有幾滑身 平衡返魯肉嘅油膩感 怪唔之得係餐廳嘅招牌菜😝香蔥紫菜牛肉飯呢個牛肉飯有少少似日本嘅牛肉丼飯🐮 又有紫菜 又有大量洋蔥同牛汁 牛肉質素都唔錯 有啲肉汁 唔會太乾身 成個感覺都係似日式丼飯 不過都有台式嘅菜甫同醃菜 加返啲台式感覺😉芋泥肉鬆蛋餅呢個蛋餅幾有驚喜 芋泥餡都幾多 蛋餅皮有少少脆脆地嘅感覺 加埋有肉鬆鹹鹹地嘅味道 成件事好夾啱啱好🍳台北夜市小食拼盤呢個小食拼盤有蜜汁台灣腸 酥炸花枝丸同鹽酥雞球🐥 個人最鍾意食酥炸花枝丸 花枝丸彈牙得嚟 又食到粒粒花枝🦑0冰手作芋頭鮮奶呢個大推💛 甜度適中 芋泥又啱口味 搞到我臨走都忍唔住要叫多枝拎返屋企飲🫢黑糖鮮奶叫咗少甜之後 鮮奶同黑糖都幾融合 攪勻之後都唔會過甜 夏天飲就啱晒啦🧋呢間台灣餐廳都真係幾高性價比 食物質素真係唔錯🥰 如果我經
觀塘除咗塞車 仲有咩？係壹.01呀😂😂 呢句野亦都寫咗喺餐廳嘅牆上面 我見到都不禁笑咗一下🫢
講返間餐廳 餐廳喺中海日升中心 喺觀塘返工嘅朋友一定唔陌生㗎啦😗 呢間餐廳外賣或者兩點半後堂食 都會有九折優惠 真係更加抵呀
壹.01 芒果魯肉飯
芒果配魯肉嘅配搭真係比較少見 芒果粒酸酸甜甜幾開胃 配搭起魯肉上嚟有幾滑身 平衡返魯肉嘅油膩感 怪唔之得係餐廳嘅招牌菜😝
香蔥紫菜牛肉飯
呢個牛肉飯有少少似日本嘅牛肉丼飯🐮 又有紫菜 又有大量洋蔥同牛汁 牛肉質素都唔錯 有啲肉汁 唔會太乾身 成個感覺都係似日式丼飯 不過都有台式嘅菜甫同醃菜 加返啲台式感覺😉
芋泥肉鬆蛋餅
呢個蛋餅幾有驚喜 芋泥餡都幾多 蛋餅皮有少少脆脆地嘅感覺 加埋有肉鬆鹹鹹地嘅味道 成件事好夾啱啱好🍳
台北夜市小食拼盤
呢個小食拼盤有蜜汁台灣腸 酥炸花枝丸同鹽酥雞球🐥 個人最鍾意食酥炸花枝丸 花枝丸彈牙得嚟 又食到粒粒花枝🦑
0冰手作芋頭鮮奶
呢個大推💛 甜度適中 芋泥又啱口味 搞到我臨走都忍唔住要叫多枝拎返屋企飲🫢
黑糖鮮奶
叫咗少甜之後 鮮奶同黑糖都幾融合 攪勻之後都唔會過甜 夏天飲就啱晒啦🧋
呢間台灣餐廳都真係幾高性價比 食物質素真係唔錯🥰 如果我經常喺觀塘返工 實做咗我lunch嘅飯堂呀🫡
张贴
