影片
更多
2020-09-21
72 浏览
由於疫情嘅關係，所以而家已經好少喺出邊食飯。今日喺K11 Musea做完野，見到呢一間裝修得好靚嘅Cafe，就比佢深深吸引着。因應疫情，佢哋都推出左外賣嘅Menu。估唔到價錢又唔貴喎，喺呢一個商場入面我覺得可以一試。於是我就買咗二人份量嘅外賣返屋企同男朋友撐枱腳。第一樣點既係雞胸凱撒沙律，雞胸幾嫩，沙律菜亦都新鮮，配上嘅巴馬臣芝士份量亦都唔少，我諗呢個就係一個好食嘅凱撒沙律嘅基本要求。然後我哋叫咗兩個意粉，一個係肉醬長通粉，另一個係忌廉大蝦意粉。兩個意粉都令我眼前一輛，尤其是大蝦意粉。佢嘅忌廉汁煮得好香濃，入面有成四隻大蝦，而且大蝦啲肉好彈牙。而另一個肉醬長通粉就用上比較高級嘅Cannelloni，呢種意粉最適合就係做肉醬，因為佢會收埋好多醬汁喺入面。另外仲叫咗兩杯嘢飲，一杯係朱古力而另外一杯係matcha latte。當中matcha latte值得一讚，因為佢甜度適中，而且抹茶味香濃，啱晒我呢啲唔太鍾意飲甜野嘅人。呢一餐外賣只係$300左右，但係已經食到高級餐廳嘅感覺，下次一定會試吓坐喺度堂食慢慢嘆。
因應疫情，佢哋都推出左外賣嘅Menu。估唔到價錢又唔貴喎，喺呢一個商場入面我覺得可以一試。於是我就買咗二人份量嘅外賣返屋企同男朋友撐枱腳。
第一樣點既係雞胸凱撒沙律，雞胸幾嫩，沙律菜亦都新鮮，配上嘅巴馬臣芝士份量亦都唔少，我諗呢個就係一個好食嘅凱撒沙律嘅基本要求。
然後我哋叫咗兩個意粉，一個係肉醬長通粉，另一個係忌廉大蝦意粉。兩個意粉都令我眼前一輛，尤其是大蝦意粉。佢嘅忌廉汁煮得好香濃，入面有成四隻大蝦，而且大蝦啲肉好彈牙。而另一個肉醬長通粉就用上比較高級嘅Cannelloni，呢種意粉最適合就係做肉醬，因為佢會收埋好多醬汁喺入面。
另外仲叫咗兩杯嘢飲，一杯係朱古力而另外一杯係matcha latte。當中matcha latte值得一讚，因為佢甜度適中，而且抹茶味香濃，啱晒我呢啲唔太鍾意飲甜野嘅人。
呢一餐外賣只係$300左右，但係已經食到高級餐廳嘅感覺，下次一定會試吓坐喺度堂食慢慢嘆。
张贴
