金子半之助 (利東街)

营业中

休息中

金子半之助東京響當當的餐廳，長期都要排隊。難得呢個過江龍在香港開店，當然即刻入去食返個天丼，一解思鄉之情餐廳的裝修和擺設跟日本總店好相似，白木傢俬，長長的bar枱可以睇住師傅親手炸天婦羅，非常期待同總店一樣，入得黎唔洗點揀，只有天丼，唔怕有選擇困難症。江戶前天丼，久違了的名字，同日本總店一樣，都係有一條長長的穴子，2隻海老，小柱魷魚餅，溫泉蛋。餐廳採用日本特製高級胡麻油, 胡麻油製成的天婦羅芳香撲鼻及色澤會較深。穴子, 即係星鰻, 長達30cm, 超厚肉身, 肥美軟滑, 炸得外脆內軟，好有咬感，唔會軟稔稔海老, 即係海蝦，爽口彈牙。小柱，即係帶子，混埋魷魚一齊炸成餅，非常好味溫泉蛋一篤穿就流出蛋黃，流心程度相當好，唔會太稀，又唔會凝固。當然天丼最重要的係飯，飯先係整個天丼最重要的部分。一碗靚既日本米, 可以令到天丼錦上添花，呢D飯同日本總店差不多。再配以古早秘傳醬汁，每一件天婦羅都能沾上醬汁, 呢個傳統做法的天丼更重現江戶時代風味。日本人最注重細節，連一杯待客既茶都會放幾粒黑豆再泡一杯黑豆茶，正呀。