반찬앤쿡 Banchan and Cook (東薈城名店倉)

营业中

休息中

반찬앤쿡 Banchan and Cook (東薈城) (東涌)東涌達東路20號東薈城名店倉3樓334號舖之前係Lulu豬嘅主題，而家就係萬聖節嘅主題，咁梗係要應吓節啦。南瓜🎃八瓜魚蛋包飯其實佢嘅蛋包飯做得好好，香滑細緻，八爪魚係勁大份勁足料，真係要用刀切到細細件先好食，因為每一粒都非常爽脆彈牙。芝士辣雞拉麵🍜呢一碗麵我欣賞，因為真係韓國味十足，芝士加辣係無敵嘅配搭， 有三大塊雞件，肉質鮮嫩，真係大滿足㗎。黑炸醬無骨炸雞🍗必食推介，薯條超級爽脆好味，炸雞配上甜嘅醬汁係正，我鍾意食炸雞。韓式雜莓牛角包窩夫🧇圓滿成餐嘅甜品，藍莓同埋士多啤梨酸酸甜甜勁好食，本身個窩夫就夠鬆脆啦，飽飽。橙色怪魔沙冰呢一杯上枱一啲都唔恐怖，朱古力同橙味嘅混合真係好應景。焦糖脆脆鮮奶咖啡☕️鍾意甜就梗係要食焦糖脆脆，甜到漏但我鐘意。