影片
更多
2021-04-29
207 浏览
好耐冇食過拉麵，我覺得好少拉麵係會辣得好食嘅，但呢間係主打麻辣嘅拉麵，所以尋晚就同朋友嚟食下啦。等緊野食嘅時候望到廚房入面炒緊芽菜同玉米筍，洪洪爐火，望到好壯觀。特製麻辣味增拉麵$120辣度同麻度係分開揀嘅，熱愛麻辣嘅我就揀左高辣同埋高麻，順便再走埋蔥走埋韭菜。另外都加左$15加玉米筍。玉米筍有好大堆，加得好抵，有驚喜。呢個拉麵本身都有隻蛋，但因為我好鍾意食蛋，所以就加$15加多隻蛋。有兩隻蛋好開心。雞蛋一咬開，見到個糖心好靚，好滿足。呢款拉麵仲有兩件叉燒同埋一啲芽菜。叉燒係厚身，半肥瘦咁嘅，食落好香，油脂豐富。不過我覺得鍾意食辣嘅朋友可以揀再辣啲，因為我覺得高辣都唔算好辣，不過就好香，食落都好食嘅。拉麵比較粗身，好掛湯，正。炒豆芽菜辣麻味增拉麵$100朋友好鍾意食芽菜，就叫左呢款。佢同樣地揀左高辣同高麻。佢有好多芽菜，芽菜索曬啲湯底嘅味，朋友好開心，仲多到分左啲俾我食！肉飯$45怕會唔夠飽，叫多左個叉燒飯，走韭菜。點知原來食完拉麵已經好飽。不過呢個叉燒飯都好食，都值得試下。特別一讚呢到有即棄嘅圍裙提供，唔洗怕比湯彈污糟自己件衫！
等緊野食嘅時候望到廚房入面炒緊芽菜同玉米筍，洪洪爐火，望到好壯觀。
特製麻辣味增拉麵$120
辣度同麻度係分開揀嘅，熱愛麻辣嘅我就揀左高辣同埋高麻，順便再走埋蔥走埋韭菜。另外都加左$15加玉米筍。玉米筍有好大堆，加得好抵，有驚喜。呢個拉麵本身都有隻蛋，但因為我好鍾意食蛋，所以就加$15加多隻蛋。有兩隻蛋好開心。雞蛋一咬開，見到個糖心好靚，好滿足。呢款拉麵仲有兩件叉燒同埋一啲芽菜。叉燒係厚身，半肥瘦咁嘅，食落好香，油脂豐富。不過我覺得鍾意食辣嘅朋友可以揀再辣啲，因為我覺得高辣都唔算好辣，不過就好香，食落都好食嘅。拉麵比較粗身，好掛湯，正。
炒豆芽菜辣麻味增拉麵$100
朋友好鍾意食芽菜，就叫左呢款。佢同樣地揀左高辣同高麻。佢有好多芽菜，芽菜索曬啲湯底嘅味，朋友好開心，仲多到分左啲俾我食！
肉飯$45
怕會唔夠飽，叫多左個叉燒飯，走韭菜。點知原來食完拉麵已經好飽。不過呢個叉燒飯都好食，都值得試下。
特別一讚呢到有即棄嘅圍裙提供，唔洗怕比湯彈污糟自己件衫！
张贴
