漁正居酒屋 (已結業)

太耐無去日本，又開始好掛住居酒屋嘅串燒，今晚就約朋友去食下日本菜先😻見到呢間堂食做緊優惠有七折，款式都好多，一於去試吓！見到菜牌有螢光魷魚，馬上叫一份作前菜。墨作螢光魷魚吃起來比較順滑，第一次食幾新奇😹然後叫咗三款刺身，三文魚腩超正，肥美而入口即溶，好滿足。油甘魚同吞拿魚赤身都好厚切又新鮮😻清酒煮蜆雖然係簡單清淡啲既海鮮，但清酒經過煮熱後味道更加香濃，加上新鮮的蜆實在係絕配😼期待已久嘅串燒同天婦羅到啦！雞泡魚干燒得好香，乾身得黎煙韌，入口微甜，做小食岩哂😻😻炸雞軟骨粉漿唔會好厚，我就鍾意灑啲七味粉辣辣地好惹味。份量都足料，兩三個人share都夠🙀串燒就order啲少見既部位，例如鴨心、雞肝，全部都新鮮先好味，一啲苦味都無，口感一流😼好耐無食過日式連鎖快餐店，所以要多份照燒雞扒雞肉。煮得幾嫩滑juicy，加上炒香左嘅白芝麻特別香。最愛呢一份野菜天婦羅，炸粟米真係勁甜勁fresh，茄子一啲油膩感都冇，天婦羅真係做得好出色😽Overall食物同環境都幾好，七折真係好抵😻