影片
更多
2023-06-03
1451 浏览
串燒天堂｜燒烤堂（尖沙咀）每當朋友問我有咩串燒餐廳推介，我必定推薦燒烤堂👍🏻當時燒烤堂仲喺尖沙咀舊址厚福街嗰陣，我已經帶朋友去過兩次，朋友們都大讚好推薦🙌🏻今次又嚟食燒烤堂，嚟到位於諾士佛臺嘅新鋪，地方更加闊落，依然保留有室外座位，十分有特色❤️全日正價餐牌🍽️人均：$200-$300🕰️時間：平日晚市（餐廳經常滿座，需先致電餐廳預約留座，我嗰晚去都見有人walk in失望而回喔！）燒烤堂菜單，上面每樣菜式都會寫住食品風格，包括日、泰、港、川、西、新疆、台、韓，仲有我試最多嘅「堂」就係燒烤堂自家產品❤️正呀！另外啤酒$48買一送一🍻我哋緊係啤一啤啦😆由於我哋人數較多，點咗好多不同串燒，不感盡錄。以下係部分我哋最喜歡同推薦嘅食品🤤•黃花魚（一份）$98/份❤️❤️依個黃花魚係店員極力推介，好大條又多肉👍🏻佢外皮烤到好脆，但內裡啲魚肉都仲係好嫩口，火喉控制十分好！•芋片脆脆 $32/份❤️❤️芋片脆脆係我哋追加單其中一樣encore嘅食物😋將芋片炸到薯片咁，再配蜂蜜糖醬，真係好好味‼️•焦糖鰻魚芝士玉子燒 $28/串外皮有炸焦糖脆，玉子一啲都冇燒焦，中間夾住個鰻魚仔，口感層次一流🙌🏻•泰式腐皮餃子 $38/
每當朋友問我有咩串燒餐廳推介，我必定推薦燒烤堂👍🏻當時燒烤堂仲喺尖沙咀舊址厚福街嗰陣，我已經帶朋友去過兩次，朋友們都大讚好推薦🙌🏻今次又嚟食燒烤堂，嚟到位於諾士佛臺嘅新鋪，地方更加闊落，依然保留有室外座位，十分有特色❤️
全日正價餐牌
🍽️人均：$200-$300
🕰️時間：平日晚市（餐廳經常滿座，需先致電餐廳預約留座，我嗰晚去都見有人walk in失望而回喔！）
燒烤堂菜單，上面每樣菜式都會寫住食品風格，包括日、泰、港、川、西、新疆、台、韓，仲有我試最多嘅「堂」就係燒烤堂自家產品❤️正呀！
另外啤酒$48買一送一🍻我哋緊係啤一啤啦😆
由於我哋人數較多，點咗好多不同串燒，不感盡錄。以下係部分我哋最喜歡同推薦嘅食品🤤
•黃花魚（一份）$98/份
❤️❤️依個黃花魚係店員極力推介，好大條又多肉👍🏻佢外皮烤到好脆，但內裡啲魚肉都仲係好嫩口，火喉控制十分好！
•芋片脆脆 $32/份
❤️❤️芋片脆脆係我哋追加單其中一樣encore嘅食物😋將芋片炸到薯片咁，再配蜂蜜糖醬，真係好好味‼️
•焦糖鰻魚芝士玉子燒 $28/串
外皮有炸焦糖脆，玉子一啲都冇燒焦，中間夾住個鰻魚仔，口感層次一流🙌🏻
•泰式腐皮餃子 $38/份
腐皮餃子本身就冇特別調味，佢附上泰式酸辣醬，加埋一齊食真係又脆又juicy😋
•汁燒兔治雞肉軟骨棒(付月見） $38/串
好juicy! 加上墨魚汁蛋黃，好好味！
•黑松露烤雞 $28/串
❤️黑松露烤雞係燒烤堂嘅得意之作，烤雞鋪滿黑松露醬，平民高級版食法😊
•福岡味增松板豬 $28/串
❤️❤️120分推薦大家必食！熱辣辣食配上沙律醬真係又滑又香！
•牛油果豚肉卷 $28/串
❤️牛油果豚肉卷係燒烤堂自創！每次去都必食，牛油果令個豬串燒增添不飽和脂肪油，但唔會覺得膩，反而好fresh!
•鹽燒豚肉荔枝卷 $22/串
荔枝當造季節又到啦！荔枝中和咗肥美嘅豚肉，又一新鮮傑作👍🏻
•芝士燒廣島蠔（2隻）$48/份
必食芝士燒蠔😋濃厚拉絲芝士，蠔🦪亦好新鮮，放咗一陣先食都仲出煙㗎！
•川燒蒜茸茄子 $36/份
•孜然燒蒜蓉茄 $36/份
由於我哋比較多人嘅關係，叫咗兩款唔同煮法嘅茄子，唔食辣嘅朋友就偏好孜然燒，食辣嘅就大愛川燒🌶️
•糖不甩燒湯圓 $22/份
好少有串燒舖買糖不甩湯圓，覺得好特別，所以就點嚟使吓，一份有3粒芝麻湯圓，成碟都係滿滿花生，覺得真係好好食😋
•黑糖燒菠蘿 $20/串
來串燒好食甜品又點少得燒菠蘿？平時都係食蜜糖燒菠蘿，見到有黑糖就是下。我哋都覺得黑糖仲好食過蜜糖🍯🙌🏻
Bible rating: 10/10
📍地址：燒烤堂 (尖沙咀)
尖沙咀諾士佛臺1號1樓
泰式腐皮餃子
$38
21 浏览
0 赞好
0 留言
芝士燒廣島蠔
$48
5 浏览
0 赞好
0 留言
黑松露烤雞
$28
12 浏览
0 赞好
0 留言
福岡味增松板豬
$28
14 浏览
0 赞好
0 留言
黃花魚
$98
4 浏览
0 赞好
0 留言
芋片脆脆
$32
9 浏览
0 赞好
0 留言
张贴
