Flagship

营业中

休息中

我其實好鍾意一啲中西合璧嘅嘢，尤其是餐飲方便，所以今晚特登約咗朋友去灣仔呢間餐廳，之前都聽過好多人推介，話廚師每一道菜都好有心機咁樣去諗過度過，真係會無縫融合中式同西式。結果一到達餐廳，就覺得不論係裝修或者餐牌，都睇得出呢一餐一定係難忘嘅一餐。另外多欣賞店員上每一道菜嘅時候都會耐心解釋，令到食客對自己食緊啲咩更加理解。香煎章魚鬚用咗西班牙章魚，先慢煮，再煎，令口感外脆內軟，羽衣甘藍沙拉律用咗八珍甜醋，令到羽衣甘藍冇咁苦。個21日熟成厚切豬扒比我想像中好味好多，超軟滑，店員話呢個部位每隻豬只有一塊，非常珍貴！另外配上洛神花醬，令到成件事冇咁油膩！特色卡邦尼意粉都好好食，用咗西式煮法，但冇用煙肉，反而用左中式金華火腿，識落夠creamy但係又唔會好滯。