影片
更多
2023-09-20
1776 浏览
不經不覺，快到中秋節了，人月團圓的氛圍開始漸濃，又係時候搵地方同家人食餐中秋飯，其實有無諗過入去海洋公園食飯？比起早幾年，家陣入去真係方便好多，係金鐘站轉車都只係一個站的事，而且六點後入場係免費，又可以逛一陣先食飯，山下有樹懶、獴、老大街同水族館睇，又點可以錯過？若果是有車人士就仲抵玩，因為所有客人於海龍王餐廳晚上6時後結賬及惠顧美食滿全單港幣$500或以上即贈送一張首4小時免費泊車優惠券，全單惠顧滿港幣$1,000或以上即贈送兩張首4小時免費泊車優惠券；如此類推，講真，係香港有車不難，搵車位先係痛苦事。由於同朋友早了入場四圍逛，發覺有不少「萬聖節」佈置，原來園方已經密鑼緊鼓準備，到時又可以入場癲下。今次試了「月滿中秋」四人晚餐（供應期由2023年9月17-30日，下午五時至晚上八時三十分）精選頭盤 APPETIZER 桂花糖山藥Chinese Yam with Sugar Osmanthus Sauce甜美清爽，陣陣桂花香，又夠健康，不錯。香辣藤椒拌雞絲Shredded Chicken with Cucumber,Chili and Green Pepper Oil辣辣地其實好刺激食
不經不覺，快到中秋節了，人月團圓的氛圍開始漸濃，又係時候搵地方同家人食餐中秋飯，其實有無諗過入去海洋公園食飯？比起早幾年，家陣入去真係方便好多，係金鐘站轉車都只係一個站的事，而且六點後入場係免費，又可以逛一陣先食飯，山下有樹懶、獴、老大街同水族館睇，又點可以錯過？
若果是有車人士就仲抵玩，因為所有客人於海龍王餐廳晚上6時後結賬及惠顧美食滿全單港幣$500或以上即贈送一張首4小時免費泊車優惠券，全單惠顧滿港幣$1,000或以上即贈送兩張首4小時免費泊車優惠券；如此類推，講真，係香港有車不難，搵車位先係痛苦事。
由於同朋友早了入場四圍逛，發覺有不少「萬聖節」佈置，原來園方已經密鑼緊鼓準備，到時又可以入場癲下。
今次試了「月滿中秋」四人晚餐（供應期由2023年9月17-30日，下午五時至晚上八時三十分）精選頭盤 APPETIZER
桂花糖山藥
Chinese Yam with Sugar Osmanthus Sauce
甜美清爽，陣陣桂花香，又夠健康，不錯。
香辣藤椒拌雞絲Shredded Chicken with Cucumber,
Chili and Green Pepper Oil
辣辣地其實好刺激食慾。
醬燒日本桃豚腩Roasted Japanese Kurobuta Pork Belly in Special Cured Sauce
肉質軟熟，又有油香，有另類叉燒的感覺。
百香果蓮藕Marinated Lotus Roots with Passion Fruits
切得夠薄，但無損爽脆的口感，甜甜酸酸的味道，好啱熱辣辣的天氣。
湯SOUP
瑤柱花膠燉烏雞湯
Double-boiled Silky Fowl with Fish Maw and Conpoy
用上荷蘭花膠及中國瑤柱清燉，火喉十足，味道都溶入湯內，鮮甜得可以，就連烏雞肉都一戳就散，蘸點豉油食一流。
MAIN COURSE
鮮黑樅菌牛柳粒
Wok-fried Diced Beef with Fresh Black Termite Mushroom
好傳統的中式爆炒，主角牛柳粒夠鬆軟，配菜的鮮黑樅菌及露筍沾上了肉汁及油份，都變得非常惹味。
柚子香橙大蝦Stir-fried King Prawn with Orange and Pomelo
是日用的是環澳洲大蝦，但有時都因應貨源是選用別國的貨色，但大前題必定是環保海鮮。
足5吋長大蝦，外層帶有柚子及香橙的清香，而蝦肉質地爽口彈牙，真係要用刀叉享受。
鮮雞油菌濃湯泡時蔬Poached Seasonal Vegetable with Fresh Chanterelle in Supreme Broth
菜芯選得好，正所謂稔甜無渣，個人覺得就算無爽口的雞油菌都已經好好味。
鮑魚帶子雞粒炒飯Fried Rice with Diced Abalone, Scallop and Chicken
炒飯最基本一定係乾身，一睇已知合格，食落仲有澳洲鮑魚及加拿大帶子粒，口感更添層次，食到見底都無多餘油份。
甜品 DESSERT
金箔紅豆椰汁糕拼薑汁芝麻湯圓
Gold Leaf Red Bean Coconut Pudding with
Sesame Dumpling in Ginger Soup
團團圓圓梗係食湯圓啦，仲要係我鍾意既芝麻餡料，軟綿綿好正。
而椰汁糕香甜Q彈，甜美可口。
港幣 HKS.HK$2,180
港幣 HK$545 額外每位
而家喺Openrice訂位仲可以享有85折優惠！
张贴
