影片
更多
2025-04-14
18 浏览
餐廳樓底高空間感十足，裝潢雅致時尚有壽司吧枱式高身座椅，有小露台，地方闊落，擺檯唔密，三兩知己好友都可以傾到計，坐得好舒服🪭成個食飯流程由服務至食物質素冇挑剔，中環蘭桂坊地段食日本菜好選擇✨餐廳新推出咗兩款日本料理晚市餐單（三道菜或四道菜）。有餐前開胃菜、刺身/壽司、主食、食事及甜品選項。🐦🔥前菜（選一）「靜岡番茄海草沙律、磯燒鮑魚、明太子三文魚大葉天婦羅鹽」番茄爽甜，配加咗少少醋嘅海草，微酸，開胃清新開胃！鮑魚彈牙，好香，鹹鮮。炸漿包住切成方塊嘅三文魚「鹽煎銀杏、靜岡番茄沙律、芝麻菠菜」店員提醒銀杏殻剛煎起好熱，要小心啲食，好嘅係已經扑開咗！渾圓飽滿呈青色，少少鹽調味，外脆內軟糯🐦🔥刺身/壽司（選一）「赤身、深海池魚、金目鯛、油甘魚刺身」一上枱就心心眼，因為刺身好有光澤，全部都好新鮮，厚切感覺良好，食起上嚟份外覺得肥美。「吞拿魚腩、帆立貝、牡丹蝦、白象拔蚌刺身」刺身放得精緻，可見師傅十分細心。吞拿魚腩油份好夠，魚味濃郁；白象拔蚌鮮爽帶甜，大滿足🧡🐦🔥主食（選一）「龍蝦北海燒」肉質超緊密有彈性，醬汁嘅濃郁味道提升咗龍蝦嘅鮮味👍🏻👍🏻「天婦羅盛」炸漿偏薄身，鬆脆輕盈不油膩；款式齊全
餐廳樓底高空間感十足，裝潢雅致時尚
有壽司吧枱式高身座椅，有小露台，地方闊落，擺檯唔密，三兩知己好友都可以傾到計，坐得好舒服🪭
成個食飯流程由服務至食物質素冇挑剔，中環蘭桂坊地段食日本菜好選擇✨
餐廳新推出咗兩款日本料理晚市餐單（三道菜或四道菜）。有餐前開胃菜、刺身/壽司、主食、食事及甜品選項。
🐦🔥前菜（選一）
「靜岡番茄海草沙律、磯燒鮑魚、明太子三文魚大葉天婦羅鹽」
番茄爽甜，配加咗少少醋嘅海草，微酸，開胃清新開胃！鮑魚彈牙，好香，鹹鮮。炸漿包住切成方塊嘅三文魚
「鹽煎銀杏、靜岡番茄沙律、芝麻菠菜」
店員提醒銀杏殻剛煎起好熱，要小心啲食，好嘅係已經扑開咗！渾圓飽滿呈青色，少少鹽調味，外脆內軟糯
🐦🔥刺身/壽司（選一）
「赤身、深海池魚、金目鯛、油甘魚刺身」
一上枱就心心眼，因為刺身好有光澤，全部都好新鮮，厚切感覺良好，食起上嚟份外覺得肥美。
「吞拿魚腩、帆立貝、牡丹蝦、白象拔蚌刺身」
刺身放得精緻，可見師傅十分細心。吞拿魚腩油份好夠，魚味濃郁；白象拔蚌鮮爽帶甜，大滿足🧡
🐦🔥主食（選一）
「龍蝦北海燒」
肉質超緊密有彈性，醬汁嘅濃郁味道提升咗龍蝦嘅鮮味👍🏻👍🏻
「天婦羅盛」
炸漿偏薄身，鬆脆輕盈不油膩；款式齊全，海老，魚、蔬菜等都有。海老夠大隻，炸起後仍然挺身。
🐦🔥食事（選一）
「雞腿肉釜飯」（兩位用）
好少喺香港餐廳見有釜飯食，所以吸引咗我地叫呢個！飯份量好足，可以𢳂出四碗飯，煙韌有飯香，釜底有少少飯焦，撈埋食好香口👍🏻雞肉肉質鮮嫩多汁，好食。
🐦🔥生果/甜點（選一）
「牛奶布丁」
口感好滑，牛奶味重🤍
「綠茶蕨餅」
蕨餅好淋，唔會太黏口，甜甜地；綠茶粉不吝嗇咁包滿蕨餅，綠茶味超濃
张贴
