鳥駅

营业中

休息中

朋友係好鍾意食雞嘅人，佢今次帶我去食雞嘅唔同部位串燒， 佢話係非常之特別！而且我哋咁啱都係中環返工，所以間鋪喺中環好就腳！ 七味魚翅香辣惹味，七味粉提升咗魚翅嘅鮮味，口感彈牙，幾有層次感。芝士年糕外脆內煙韌，芝士拉絲又香濃，年糕煙韌唔會太膩，啱晒芝士控。雞橫膈膜肉質帶嚼勁，油香突出，燒得啱啱好唔會太韌，鹽燒最能帶出雞味。雞喉嚨口感爽脆彈牙，咬落有啲似軟骨，燒香咗好惹味，啱啱配啤酒。燒雞皮外脆內軟，油香四溢，唔會太油膩，燒到微焦最正。雞蠔肉嫩滑多汁，雞味濃郁，係雞肉迷必食之選。牛小腸外脆內嫩，帶少少油脂香，燒得好唔會有腥味，入口即溶。白鱔肉質滑溜，帶甜味，燒到微焦最出色，魚香十足。車厘茄腩肉卷腩肉肥瘦適中，包住車厘茄，酸甜解膩，層次豐富。日本果子蕃茄新鮮多汁，燒完仲有淡淡果香，清新解膩。